Kinimaq'ij awaj

Nivel: 3

K'o jun q'ij, konojel ri chikop k'o kixik' xesik'ix pa jun nimaq'ij chi uwach le kaj. Konojel ri chikop jacha ri k'uch, ri tz'unun, ri xik xuquje' ri nik'aj kach'il chik, k'o kixik' xkiriq kib' pa jun nimaq'ij chi uwach ri kaj. K'o jun ixpeq karaj kab'e pa ri nimaq'ij xuchomaj we ta k'o nuxik' kinb'e pa ri nimaq'ij chi uwach le kaj. Xul k'u pa ri ujolom ri xpeq, kinb'ij na chi rech ri nukumpale xik. Are chi xik'ow ri xik chi uxukut ri ixpeq xub'ij chi rech. Chab'ana jun toq'ob' chwech, chinak'ama ub'ik pa ri nimaq'ij chi uwach ri kaj. Are chi' xe'opa'nik, ri xpeq pa ri nimaq'ij chi uwach ri kaj xkimayo konojel ri chikop ri k'o kixik' xchapaletaj ri nimaq'ij sib'alaj xojow ri xpeq xuquje konojel ri chikop k'o kixik. Are xk'is ri nimaq'ij chi uwach ri kaj xtzalij uloq konojel ri chikop ri k'o kixik' are k'u ri xpeq xkanaj kan utukel, maj jachin xk'amow uloq. Ri ixpeq xuk'aqulo rib' are chi xtzaq chi uwach ri uwachulew xpaq'in chi uwach jun nimalaj ab'aj jewa' xuk'ulmaj ri jun xpeq chi uwach ri rachoch ri tat Tun.

Código: N34K83

Legibilidad: 4to. grado