Le pix

Nivel: 2

Ri nan Pix k'o pa ri tiko'n, xtaqan chi kech ri kulanto rach'il le anxux, uj k'o qak'ok'al kecha ri kulanto rach'il ri anxux, ri ali Sutz' kutzukuj k'awex kutijo. Ri at maj a k'ok'al ma at je'l taj kecha chi rech ri nan Pix. Ri nan Pix xoq'ik utukel k'olik are xopan ri ali Sutz', ¿jas che katoq'ik? Xuta chi rech. Rumal maj nuk'ok'al. Ri in utz kinwil le pix, le pix kuya uwa'l le rikil, ma utz taj we ma at k'olik. Konojel ri tiko'n rajawaxik ka'wach'ilaj. Ri nan Pix xusu' ri uwa'l ub'oq'och, katzenik ri anxux rach'il ri kulanto xkita sachb'al kimak chi rech ri pix rumal xe'yoq'ow chi rech ri nan Pix. Ri nan Pix xe'umulij konojel ri tiko'n, xusik'ij ri ichaj e k'olik. Konojel xkib'an jun nimaq'ij, konojel xexojowik xewa'ik, xeb'ixonik, xkiq'aluj kib'. Ri ali Sutz' kaki'kot ri uk'u'x xb'e pa tijoxib'al.

Código: N24K82

Legibilidad: 4to. grado