Na’l tqanil

Nivel: 2

Ati jun jaxjal xlotitoq ati kye tnejel naq xtoq in che’x laq’ol tixti’ iksen o’x, sqal, axix ti’ in okyal kyu’n, matxitoq b’et q’ij kymejeb’len ma tzaj q’o’n kyk’wa’l. Atzun te ẍi b’aj ch’iy k’wal. Ikyx in chi b’in, in chi okslan kye manb’aj, qa ti’ in xi’ q’uman qe in xi’ kyb’inchan. Matzaj q’i’n rit tu’n kyxi’ iky’lel ti’j. Ajtzun kyb’aj ch’iy in che’x k’ayet qaj in chi kub’ b’yon tu’n t-xi’ k’ayet tchib’jil, ikyx tch’iky’el rit. In ajb’en te tb’el kywa xjal. Chab’a chmo’n pwaq kyu’n. Atzun te xchmet pwaq ma laq’et ch’in b’otz tx’otx’ kyu’n. Ch’inaq kyjaw q’inumax. Tu’ntzun kyb’enta toj kychwinqlal. Ma tz’oktl kykojon in tzu xi kyk’ayin ixi’n ikyx tq’aynaqil ixi’n chab’a k’ayin kyu’n. Atzun te xb’et q’ij ma laq’et txaqantl tx’otx’ kyu’n. Tla’toqtl in chi txaqetlqe ti’j aq’untl. Machi pontl xjal aq’unal kyja. In chex kyonin xjal aqe tla’ kywa, aj kyb’aj aq’unan in xi’ kyoyin kyixin, qaj ẍi’ in chi wa’na tja. Ma t-xi’ tb’anil kye xjal. Atzun te ẍi b’aj ẍjo’qix ma chex k’ayin kyu’n xjal. Ikyx qetzun k’wal b’a’n wnaq qe eye ẍi kyej te t-xel kyman. O’kx ẍi b’aj kyimte k’walb’aj. B’a’npun qe xjal kyij te kyxi’ toj muqb’il. Ate in q’umji qa b’awnaqa ktzajal ky’iwlana tu’n Qajawil. Qatzqa nya’ b’a’n xjala kyjeltena tjunalxiya.

Código: N23M88

Legibilidad: