Jun tal tij xjal tuk’a tal tchej

Nivel: 3

Jun maj chitzun qa attaq jun tal tij xjal, attaq jun tal tchej, extzila k’lolte toj wab’il, qlixjexix, qu’n tu’ntaq t-xi’ ti’n iqil tsi, kub’tzan tb’isin tu’n tkub’ ten lolte tal chej, me qu’n ex otaq q’aq’in tk’u’j, b’exsin aj wa’l te tqlixje, me tu’n pon jun amb’il tej kyb’ajetz tzaqpaj xo’j, qu’n tej t-xi’ tq’aq’il wutz tib’aj chman, ja’taqjo najleqe xo’j, me ayitzin x’oj noqx i okten cho’lte jni’ kya’len xjal, tu’ntzan tpaja ikyjo jaw kychmo’n xjal kyib’ ex b’aj kux kyliku’n junjun matij jul tu’n kykux putzk’aja tal xo’j. Atzan tumil b’ant kyu’n xjal, kux kyliky’un junjun tij jul, ex b’aj kub’ kymaqsi’n tuk’a tal saq ch’um, ex jax kyk’lo’n jun eky’ tib’aj jun tze, ajtzila kyiky’ kye tal xo’j noq tu’n tpaj wa’yaj kyi’j at b’aj xi’ putzk’aj toj jul. Tojtzin tal chq’ajla ja’ kux kyliky’una xjal jul kye xo’j, xta’jjo tal xjal k’lolte tal tchej, me atzaj jul kux liky’un, mix kuxi nojsana, npon tal tij xjal lol tchej ja’len otaq kux b’aqchaj toj jul, xi’tzan q’olb’il kye kab’e tal t-xjalil qanil jun onb’il tu’n tjatz tal tchej, me qu’n tu’n matij t-xe jul, nti’xtaq tumil tu’n tjatz tchej, atza’n xi’ kyq’ama’ntzjo t-xjalil te. –tata teqe nipin tu’n tjatz tcheja ex juntl ma’ tijan tcheja, -qala qmaqu’nx jun majx chichitzan te tal tij xjal- Me matxilatz qmiqu’nx kyinqitza pak’b’il tx’otx’ ex qmaqu’nx chichitzan. Oktzin tentz miqultej chej, toj kywutz qa tib’aj chej tku’pena tx’otx’, qala te wa’lil chej najb’entaq tx’otx’, tkupin jun pak’ tx’otx’ kyu’n njatzxte chej chi’ntl, noqxsin kyna’xiku tej tja’wil lipen tej chej tib’aj tx’otx’.

Código: N32M08

Legibilidad: