Uk’ajnar e tza’yer ojronerob’(Expresión dinámica)

{{Navegador DIGEBI 7 sub}}
[[Archivo:Nuestro idioma en la escuela - Ch'orti' p (207).png|right|250px]]
{{DISPLAYTITLE:Uk’ajnar e tza’yer ojronerob’(Expresión dinámica)}}
__TOC__

==Ub’ijnusyaj e kanwa’r ira ja’x==
[[Archivo:Nuestro idioma en la escuela - Ch'orti' enseñando.png|right|105px]]
#E maxtak una’tob’ uk’anpesob’ e tz’ijb’ayaj tama uyojronerob’. Una’tob’ o’jronob’ tama uyojronerob’. Ukanyob’ uyustob’ e topop b’ijnusyaj. 
#E maxtak una’tob’ uk’anpesob’ tz’ijb’ab’ir yi o’jronb’ir u’t uyojronerob’. Una’ta uka’npes uyojroner tu b’ixirar, taka e mojr pak’ab’ tu morwa’r.

K’ani twa’ akanse e ajkanwa’r kochwa’ twa’ ojronob’ tama uyojronerob’, b’an kochwa’ e k’ay, k’ajtmayaj taka inte’ inb’utzir. 
[[Archivo:Nuestro idioma en la escuela - Ch'orti' leyendo.png|right|95px]]
K’ani twa’ akanse kochwa’ twa’ akay ukanse ub’ob’ utz’ijb’ob’ ub’ijnusyajob’ tama inte’ yar te’, mut, e kojn yi e xukur. 

K’ani twa’ awajk’u uyokir a’xin twa’ ja’xirob’ ob’nob’ uyustob’ ujunob’. 

Uk’ajti tama xe’ ub’ijnu tama inte’ numer o’ k’ajtsyaj.
[[Archivo:Nuestro idioma en la escuela - Ch'orti' p (208).png|right|205px]]
Uyusta e me’yn taka e ayanir xe’ ayan tu’wejtz’er. 

Utz’ijb’a e ojronerob’ taka e ayanirob’ xe’ achekta tu’jor e rum. 

Ukani uyusta e k’ay, k’ajtsyaj, numer yi inmojrix tama e ojroner Ch’orti’

Tara achekta kora chuchu’ k’ay xe’ ne’t uyub’i awajk’u una’ta awajkanwa’r.
 
B’an twa’ ja’xirob’ utz’ijb’ob’ mojrix k’ay tama e ojroner Ch’orti’. 

<center>'''INTZA’Y INTURAN. (K’AY)''' </center>
<div style="width:50%; margin:1em auto 1em auto">
<div style="width:50%; float:left;">
<poem>
Tuk’ot kanik ta nichinam 
Ayan ayan anumespa e tzajtzajir, 
tama uk’ajna’r, niwojroner 
xe’ ja’x tara, nitajtz’ar tama e Ch’orti’, 
tamar ixto, ne’n inwaryo’x 
xe’ no’n ch’ortyo’n, ayan me’yra katujrur. 
Ayan kab’ujk, yar kaxanab’ 
Xe’ tika’b’ach, no’n e Ch’otyo’n .. (bis) 

coro 
Ayj ayj ayj ayj intza’y inturan 
Taka tuno’r xe’ ayan takaren 
Ayj ayj ayj ayj intza’y inturan 
Tama tuno’r xe’ aktana takaron 
</poem>

<ref>María Alicia Ramírez</ref>
</div>
<div style="width:50%: float:right">


[[Archivo:Nuestro idioma en la escuela - Ch'orti' p (209).png|center|250px]]
</div>
</div>

<div style="clear:both"></div>
<center>'''E PEJPEM (K’AY)''' </center>
<div style="width:50%; margin:1em auto 1em auto">
<div style="width:50%; float:left;">
<poem>
Pejpem xe’ ayan me’yra atz’ijb’arir, 
arenen chi uchye’t, arenen taka awich’, 
Ne’n u’nb’i twa’ yar a pejpem, 
yi ja’x uya’rye’n, che’nb’ir umen e k’ab’, 

umen uk’ab’ e Katata’, 
che’nb’ir umen e k’ab’, 
umen uk’ab’ e Katata’. 
</poem>

<ref>Autor: Anónimo </ref>
</div>
<div style="width:50%: float:right">
[[Archivo:Nuestro idioma en la escuela - Ch'orti' p (210).png|center|230px]]
</div>
</div>

<div style="clear:both"></div>
<center>'''TA CHOR'''</center>
<div style="width:50%; margin:1em auto 1em auto">
<div style="width:50%; float:left;">
<poem>
Inxin, inxin 
ta chor taka ninana 
inxin inxin 
ta chor taka nitata’ 

Ixin nisakun takaron 
Katares yar e pitak (bis)
 
Ninana turan uchapi 
Uchoni taka e maxtak 
tama e tumin umani 
yar niwex iktzuren 
</poem>

<ref>Marìa Alicia Ramírez</ref>
</div>
<div style="width:50%: float:right">





[[Archivo:Nuestro idioma en la escuela - Ch'orti' p (210.1).png|center|250px]]
</div>
</div>

<div style="clear:both"></div>

==Chuchu’ ojronerob’==
[[Archivo:Nuestro idioma en la escuela - Ch'orti' enseñando.png|right|110px]] 
''Mini diálogos''


[[Archivo:Nuestro idioma en la escuela - Ch'orti' p (211).png|center|450px]]


[[Archivo:Nuestro idioma en la escuela - Ch'orti' leyendo.png|right|95px]]
'''Kapatna cha’te’tyo’n:''' Nakpat xe’ awirix e kanseyaj xe’ uyajk’o’n e cha’kojt maxtrak ira tama e chuchu’ ojronerob’
 
Ajk’un ab’ijnusyaj tama inte’ inte’ ojronerob’ xe’ uchob’ ja’xirob’. 

B’ijnwen tama inte’yx ojronerob’ yi chen e me’ynob’ takar. 

Uyub’i ache tama uyajnesna’r e mok, tama inte’ nojk’in o’ tama inteyx ojroner xe’ o’sre ache, ejtz’un awira taka inkojt apya’r.
 
Nakpat chen tu’t e mojr apya’rob’ yi awajkanseyaj.

==Pejkseyaj==
[[Archivo:Nuestro idioma en la escuela - Ch'orti' enseñando.png|right|110px]]

K’ani twa’ akanse e ajkanwa’rob’ kochwa’ twa’ uk’aywesob’ o’ upejkikob’ inkojt pak’ab’, taka inte’ k’ub’seyajir yi taka inte’ sarir tu’t e mojr pak’ab’ob’.
 
B’ajxan twa’ awa’re e maxtak tuk’a inb’utzir uwirob’ tama inkojt pak’ab’, kochwa’ u’t, kochwa’ atze’ne, yi tuno’r xe’ inb’utz cheker tu’t, twa’ uyub’i uyusta uyojroner tu’pater inkojt ijch’ok tama inte’ nojk’in.

[[Archivo:Nuestro idioma en la escuela - Ch'orti' leyendo.png|right|95px]]
Ejkanwa’r ukani kochwa’ twa’ uyusta e pejksyaj twa’ uya’re inkojt pak’ab’ tama inte’ nojk’in.
<div style="clear:both"></div>
[[Archivo:Nuestro idioma en la escuela - Ch'orti' p (213).png|center|200px]]
 
[[Archivo:Nuestro idioma en la escuela - Ch'orti' leyendo.png|right|95px]]
'''Kapatna Cha’te’rtyo’n:''' 

Kach’ujku e me’yn xe’ turu tichan yi kak’ajtin tuk’a kawira, tuk’a b’ijnusyaj uyajk’o’n tu’t kapya’rob’. 

Chen inte’ ne’t b’an kochwa’ ukansye’t tuno’r uyokir awajkanseyaj. 

[[Archivo:Nuestro idioma en la escuela - Ch'orti' p (213.1).png|center|225px]]


[[Archivo:Nuestro idioma en la escuela - Ch'orti' leyendo.png|right|95px]]
'''Inpatna nib’ajner:''' 

Ink’ajtin tuk’a b’ijnusyaj uyajk’e’n e me’yn xe’ turu tichan.
 
Nakpat intz’ijba’ ta nijun xe’ inb’ijnu. 

Ayanto’ ka’ tya’ awira xe’ inkojt noy o’ naya o’jronto taka e maxtak.

==Cheksuyaj==
[[Archivo:Nuestro idioma en la escuela - Ch'orti' enseñando.png|right|110px]]
Tama tuno’r xe’ anumuy tama umorwa’r e maxtak, k’ani twa’ una’ta tuk’a k’ani che e’ra; tama e patna’rob’ ira uyub’i akanse e maxtak kochwa’ twa’ uchob’ cheksunib’ tama upatna’rob’ xe’ una’tob’ uchob’ tama uyototob’, tama uyototir e kanseyaj yi xe’ ache’na tama e morwa’rir tya’ turu. 

[[Archivo:Nuestro idioma en la escuela - Ch'orti' leyendo.png|right|95px]]
E ajkanwa’r uk’ek’ojse tuno’r e patna’r yi e ayanir xe’ ache’na tu yotot yi morwa’r.
 
Ucheksu tuno’r e kanwa’r xe’ ukani taka e me’ynob’ yi tz’ijb’b’ir u’t. 

Ume’ynes tuno’r e cheksuyaj xe’ una’ta.

[[Archivo:Nuestro idioma en la escuela - Ch'orti' leyendo.png|right|95px]]
'''KOCHWA’ ACHE’NA E JARMA’R''' 

Upetz’yob’ e chiki’ a’xin uxuryob’ e jarar yi atijxa yi upetz’iyob’ yi aka a’xin uchonyob’ uk’eche chante’ ajk’in twa’ uk’a’pesnar inwojr chiki’ ache’na e nojta’ yi ache’na e b’ik’it ajarmob’ tuno’r e ijch’oktak yi e tejrontak yi tuno’r e tu’b’irob’ akay ajarmob’.
<div style="clear:both"></div>
[[Archivo:Nuestro idioma en la escuela - Ch'orti' p (215).png|center|225px]]


'''E POJP'''
 
Akay uxurwob’ e pojp, uwab’ob’ twa’ ataki yi akay uxixyob’ twa’ upetz’yob’, ujaryob’ akay ajajpna, apejtz’a yi ajajra, chante’ ajk’in uk’eche ujarma’r, nakpat ka’xin kachoni ta chinam, tama utujrur kawani e we’r, atz’am, sakchi’, tan, xanab’, kanami ub’an kab’ujk tamar tama utujrur e pojp, inyajr inyajr akay ache’na kochwa’ yaja’.

[[Archivo:Nuestro idioma en la escuela - Ch'orti' p (216).png|center|225px]]

[[Archivo:Nuestro idioma en la escuela - Ch'orti' leyendo.png|right|95px]]
'''Kapatna chate’rtyo’n:''' 

Kacheksu yi inwejtz’u tuk’a tuk’a anumuy te jarma’r tama nimorwa’r. 

Katz’ijb’a ta nijun mojr patna’r yi e ayanir xe’ aka’y uchob’ e pak’ab’ ta nimorwa’r.

==Morwa’rir==
[[Archivo:Nuestro idioma en la escuela - Ch'orti' enseñando.png|right|110px]]
K’ani ukansena’r e ajkanwa’rob’ ke’ tama inte’ morwa’rir ayan inte’ jun xe’ ub’ijres e morwa’rir. 

Akay ache’na tama inte’ numer taka yi ma’chi uyub’i ak’ajna inte’yx jay ma’chi b’ijnub’ir ani tama e morwa’rir xe’ ache’npa. 

Tama inte’ morwa’r xe’ ache’npa k’ani twa’ tuno’rob’ aturanob’ tz’ustaka twa’ uyub’yob’ xe’ war ak’ajna. 

Tuno’r e yaja ne’t kochwa’ inkojt ajkanseyaje’t k’ani twa’ ak’ajti twa’ e ajkanwa’r ukani uyokir e morwa’rir.

[[Archivo:Nuestro idioma en la escuela - Ch'orti' leyendo.png|right|95px]]
UKani tuno’r uyokir inte’ morwa’rir 

Ukani utz’ijb’a xe’ a’xin uwirob’ tama inte’ morwa’rir.
 
Ukani ke’ tama inte’ morwa’rir ja’x taka ertz’a xe’ tz’ijb’ab’ir tama inte’ jun tama inte’ patna’r, ma’chi uyub’i ak’ajtz’a inte’yx jay maja’x b’ijnub’ir ani tama inte’ morwa’rir. 

Tya’ ayan inte’ morwa’r k’ani twa’ ko’yb’i twa’ kak’otoy kana’ta tuk’a twa’ war umorojse ub’ob’. 

Umorwa’r e ajkanwa’rob’

[[Archivo:Nuestro idioma en la escuela - Ch'orti' p (218).png|center|300px]]

[[Archivo:Nuestro idioma en la escuela - Ch'orti' dibujando.png|right|95px]]
'''Uxte’rtyo’n kapatna:''' 
Kach’ujku e me’yn xe’ turu tichan yi kawajk’u kab’ijnusyaj 

Katuran kab’ijnu yi katz’ijb’a ti kajun tuk’a tuk’a morwa’rir akay ache’na tya’ turo’n. 

Kana’ti’k ke’ tama inte’ morwa’r ache’na me’yra b’ijnusyaj te patna’rob’, ayan ub’an e morwa’rir tu’pater e maxtak, e nukir pak’ab’; e’ra ache’npa twa’tix alok’oy inb’utz inte’ b’ijnusyaj te patna’rob’ xe’ war ab’ijnuntz’a.

==Kochwa’ ache’npa e wya’rirob’==
[[Archivo:Nuestro idioma en la escuela - Ch'orti' enseñando.png|right|110px]]
Kansen uyokir e wya’rir xe’ akay ache’npa taka me’yra b’ixk’ar twa’ inkojt pak’ab’. 

B’ajxan twa’ akanse e maxtak e inb’utzir xe’ ukojko e wya’r xe’ kak’uxi ti kamorwa’r, b’an kochwa’ e intya’ch intya’ch karob’ xe’ achekta tya’ turo’n. 

Cheksun tuk’a inb’utzir utares e wya’rir xe’ watar najtir.
 
Inb’utz ub’an twa’ akansenpa tuk’a k’opot xe’ atz’akon ayanto ti kamorwa’r, yi tuk’a mok utz’aki. Kochwa’ akay o’stana twa’ e ajmok uyuch’i. 

K’ani twa’ awira komon taka e ajkanwa’r tuk’a na’tanyaj k’echer umener e maxtak o’ utata’b’irob’ yi e tu’b’irob’ tama inte’ mokir yi tama e wya’rir, erer atz’ijb’a twa’ ma’chi anajpa yi a chekta inte’ jun twa’ch e morwa’rir.

[[Archivo:Nuestro idioma en la escuela - Ch'orti' leyendo.png|right|95px]]
Inb’utz twa’ acheksunpa taka e mojr pak’ab’ tuk’a war ache’npa tu’pater xe’ kana’ta ti kamorwa’r. 

Tz’ijb’an ta inte’ jun tuno’r uyokir e wya’rir xe’ ana’ta yi tama inte’yx jun tuno’r uyokir e wya’r xe’ ana’ta kochwa’ ache’npa. 

Uyub’i ak’ajti ub’an kochwa’ ache’npa e sa’ yin mojrix xe’ twa’ o’chpa. 

kach’ujki’k tuk’a ucheksu e me’ynob’ irob’:

[[Archivo:Nuestro idioma en la escuela - Ch'orti' p (220).png|center|400px]]

[[Archivo:Nuestro idioma en la escuela - Ch'orti' leyendo.png|right|95px]]
'''Cha’te’rtyo’n kapatna:''' 

Nakpat xe’ kach’ujku e me’yn xe’ turu tichan yi kawajk’u kab’ijnusyaj 

Katuran kab’ijnu yi katz’ijb’a ti kajun tuk’a tuk’a uyokir wya’rir inna’ta o’ xe’ ache’na ta nyo’tot. 

==Takarsaj te patna’rob’ te otot kanseyajir==
[[Archivo:Nuestro idioma en la escuela - Ch'orti' enseñando.png|right|95px]]
B’ajxan ne’t kochwa’ inkojt ajkanseyaj uk’ani twa’ ana’ta, tuk’a twa’ ak’anpa e patna’rob’ xe’ ache’npa tu’pater uyototir e kanseyaj tya’ ipatna. 

K’ani twa’ akanse e maxtak tuk’a uk’anpa’rir ucheyaj e k’ajtmayaj taka e mojr ajtakarsajob’ xe’ achekta tama e chinamob’. 

K’ani twa’ akanse e maxtak twa’ akay uchob’ e nut’urir takar uyototir ajtakarsajob’ tu’pater uyototir e kanseyaj tya’ akanwob’.

[[Archivo:Nuestro idioma en la escuela - Ch'orti' leyendo.png|right|95px]]
E ajkanwa’r ukani twa’ uche e k’ajtmayaj tu’pater uyototir e kanseyaj. 

Akay uche e nut’urir taka e noj ototob’ xe’ atakarsanob’ ta inte’ patna’r tu’pater uyototir e kanseyaj. 

Una’ta tuk’a tuk’a noj ototob’ atakarsanob’ tama xe’ war ub’ijnwob’ uchob’. 

Akay aturan tama tuno’r e morwa’r xe’ ayan tama uyototir e kanseyaj twa’ ana’ta kocha’ twa’ ache’npa e patna’rob’. 

Umorojse ub’ob’ twa’ aka’y uchob’ e patna’r. 

Tuk’a ucheksu e me’yn xe’ achekta ejmar.

[[Archivo:Nuestro idioma en la escuela - Ch'orti' p (222).png|center|300px]]

[[Archivo:Nuestro idioma en la escuela - Ch'orti' leyendo.png|right|95px]]
'''Cha’te’rtyo’n kapatna:''' 

Tuk’a b’ijnusyaj ikojko tama e me’yn xe’ achekta tichan.
 
Tz’ijb’an tama ijun tuk’a tuk’a patna’rob’ akay iche tu pater uyototir e kanseyaj twa’ uch’ijse uyokir. 

'''Komon taka e ajkanseyaj:''' 

B’ajxan ko’sta e rum tu yototir e kanseyaj tya’ war kakano. 
Nakpat kapak’i e u’t xe’ no’n kak’ani. 

Kachojb’a twa’ ach’i inb’utz yi uyajk’u uyutir. 

Tama e’ra uyub’i apak’i e pe’ych, ch’u,m, jinaj yi mojrix xe’ iyusre ipak’i. 

==Uyusta e k’asjorir yi e arasir taka e ojronerob’==
[[Archivo:Nuestro idioma en la escuela - Ch'orti' enseñando.png|right|95px]]
B’ajxan k’ani twa’ aware e ajkanwa’r tuk’a twa’ ache’npa e kanseyaj ira, tuk’a uk’oter tama e inkojt maxtak. 

Tuk’a twa’ b’ijnub’ir uk’anpesna’r e arasob’ ira taka e maxtak. 

E aras ira ma’chi twa’ araspa ub’ajner taka, ja’x inte’ patna’r xe’ ache’npa taka mojr pya’rob’.Kansen e ajkanwa’r kochwa’ twa’ uyusta w k’as jorir, taka e ojronerob’ yi taka e me’ynob’. 

Taka e b’ik’it jun erer uyub’i akanse e maxtak twa’ akanwob’ uchob’ e aras tama e chi, ob’na..

[[Archivo:Nuestro idioma en la escuela - Ch'orti' leyendo.png|right|95px]]
Una’ta tuk’a twa’ uk’anpes e arasir, tuk’a uk’oter tama ukanwa’r. 

Utajwi uyokir e arasir ira, una’ta apatna komon taka upya’rob’. 

Uka’npes ub’ijnusyaj tw’ uyusta e k’asjorir. 

'''Uxkojton kapatna:'''
 
Ko’sta e me’ynob’ yi nakpta kasuti tama inte’ k’asjorir. 

Ko’sta ub’an inte’ k’asjorir taka e ojronerob’ xe’ no’n kak’ani. 

Taka e b’ik’it jun erer uyub’i ache aras te '''chi ob’na.'''

<center>
<gallery widths=200px heights=200px>
Archivo:Nuestro idioma en la escuela - Ch'orti' p (224).png
Archivo:Nuestro idioma en la escuela - Ch'orti' p (224.1).png
</gallery>
</center>

==Uyusta inte’ xab’mayaj tama umorwa’r==
[[Archivo:Nuestro idioma en la escuela - Ch'orti' enseñando.png|right|110px]] 
K’ajtin taka e ajkanwa’r tuk’a twa’ ak’anpa e Xab’mayaj ta inte’ morwa’r. 

Tuk’a twa’ uk’anpa’rir twa’ inkojt pak’ab’ e xab’mayaj. 
Kansen kochwa’ twa’ k’osta inte’ xab’mayaj tante’ chinam o’ morwa’r. 
Ajk’un tuno’r uyokir e kanwa’r ira tama e xab’mayaj. 

Tante’ xab’mayaj erer uyub’i ame’ynes e ototob’ ub’an, twa’ ana’tanwa’ kochwa’ turu. 

Tuk’a takarsaj ukojko, tuk’a noj otot ayan, jay ayan e ja’ , k’ajk yi inmojrix. 

[[Archivo:Nuestro idioma en la escuela - Ch'orti' leyendo.png|right|95px]]

Ukani tuno’r uyokir tama uk’anpesna’r e xab’mayaj ta inte’ morwa’r o’ chinam. 

Ob’na uyusta inte’ xab’mayaj xe’ ucheksu umorwa’r. 

Una’ta tya’ keter umorwa’r taka inte’yx turer. 

Uche ta inte’ noj-jun kochwa’ turu uxab’mayaj umorwa’r.
 
Una’ta ume’ynes e ototob’ tama e xab’mayaj ub’an, twa’ ana’tanwa’ kochwa’ turu. 

Yi ucheksu tuk’a takarsaj ayan tama upater e morwa’r.


Tara kacheksu inte’ xab’mayaj tante’ morwa’r, e’ra a’xin ak’anpa twa’ awira jay b’an amorwa’r o’ ma’.

[[Archivo:Nuestro idioma en la escuela - Ch'orti' p (226).png|center|400px]]

[[Archivo:Nuestro idioma en la escuela - Ch'orti' leyendo.png|right|95px]]
'''Cha’te’rtyo’n kapatna:''' 

Me’ynes uxab’mayaj amorwa’r. 

Turb’an tuk’a tuk’a takarsaj ukojko upater.
 
Nakpat irsen e ajkanseyaj yi apya’rob’.

==Notas==
<references />

[[Categoría:Comunicación y Lenguaje]] [[Categoría:Educación Bilingüe]][[Category:Book:Nuestro_idioma_en_la_escuela_-_ch'orti']]