Runuk’ik rutz’etik ri rub’eyal ch’ab’äl (reconocimiento y sensibilización gramatical)

{{Navegador DIGEBI 7 sub}}
{{DISPLAYTITLE:Runuk’ik rutz’etik ri rub’eyal ch’ab’äl (reconocimiento y sensibilización gramatical)}}
[[Archivo:Nuestro idioma en la escuela - Kaqchikel p(67).png|right|250px]]
__TOC__
<div style="clear:both"></div>
==Kowinib’äl== 
#Nretamaj rub’eyal nkokisaj ri kemchi’ richin Kaqchikel ch’ab’äl. 
#Nretamaj rub’eyal nutz’ët, chuqa’ nrokisaj ri kemchi’ richin ruch’ab’äl.

'''Tijonel'''

Nimatijonel, ja rat ri at k’amöl b’ey, at nuk’öl na’oj, at ch’ob’onel richin runimirisaxik ri runa’oj ri tijoxel. Ruma ri’ k’atzinel yeqamäy ri ak’wala’. Achi’el ri rutzeqelb’exik riqab’anikil, ke chuqa’ ri’ k’atzinel ri qach’ab’äl Kaqchikel. Wakami k’a ri’ nqaya’ apon chawäch achike rub’eyal nqokisaj chuqa’ ri rutz’ib’axik ri jujun taq na’oj achi’el ri t’as pa qach’ab’äl.

K’atzinel chi rat, chi nasik’ij na nab’ey achike rub’anom chi kijujunal re na’oj re’, k’a ri’ xtak’üt chi kiwäch ri tijoxela’. Chi kijujunal ri taq tzij nqak’üt chawäch, qanimirisan rub’onil ruq’eqal. Richin k’a tatzu’ rat achike jaloj, k’exoj nab’än chupam ri taq tzij. Ja we ke ri’ xtab’än, xtanik’oj chi ütz ri taq tzij, aninäq nab’än rik’in man jun ruk’ayewal xtak’üt chi kiwäch ri taq ak’wala’.

Jun chik nqajo’ nqab’ij apon chawe. K’o chi nakamuluj atijoxik rat, natojtob’ej atijoxik rat chi rij ri nawajo’ nak’üt chi kiwäch ri taq atijoxela’. Ütz ri’ jun utziläj k’utunem nab’än. Toq k’a xtak’üt chi kiwäch ri taq ak’wala’, k’o chi k’ïy k’amb’äl taq tzij naya’ chi kiwäch, richin ütz nketamaj rokisaxik, chuqa’ rutz’ib’axik ti taq na´oj. Jun chik ri k’atzinel: pa ruk’isb’äl ri samaj re’, k’o jun choltzij k’atzinel chi nasöl chi kiwäch ri tijoxela’. Chi ri’ k’o ka’i’ oxi’ taq samaj k’o ch nkib’än ri taq tijoxela’, rik’in nab’än jun utzil ta, nanik’oj rik’in nach’ajch’ojirisaj ri taq samaj, rik’in ri na’oj nqak’utuj chi ke ri taq ak’wala’. 

Rik’in jub’a’ man yojtikïr ta nqasöl el röj wawe’ ronojel ri na’oj pa kiwi’ chi jujun taq tzij e k’o pa qach’ab’äl, ruma man ja ta ri’ ruk’u’x ri qasamaj wawe’, po xa xe tikirel nqaya’ apo jujun taq na’oj chawe richin jun rub’eyal naya’ ri atijonik. Jík richin ruk’utik ri kemchi’ k’atzinel chi röj nqatijoj jub’a’ chik qi’ chupam jun chik wuj, ri k’o kan xa xe ri kemchi’ chupam. Xa xe nqanataj chawe chi richin ruk’utik ri kemchi’ yalan k’atzinel chi ri taq ak’wala’ jantape’ yetze’en. Xa xe ke ri’, man k’ayew ta nub’än chi kiwäch nketamaj. K’o chi nqak’üt ri kemchi’ rik’in etz’anem.

Ke re’ rub’anon ri ti samaj re’, ke ri’ ta k’a xtab’án chi re, ütz ta k’a nqanimirisaj rokisaxik ri qach’ab’äl Kaqchikel.

==Rokisaxik richin ri k’exet’as chupam juley taq tzij. K’o waqi’: oxi’ pa ruyonilal; oxi’ pa ruk’iyal==
<div style="width:30%;">
<div style="width:50%; float:left;">
<poem>
Rïn
Rat
Rija’
</poem>
</div>
<div style="width:50%: float:right">
<poem>
Röj
rïx
rije’
</poem>
</div>
</div>
<div style="clear:both"></div>
[[Archivo:Nuestro idioma en la escuela - Kaqchikel p(69).png|center|350px]]

==B’anonel k’exet’as==
<poem> 
Rukej nutata’ Ri <u>rukej nutata’</u>
Jeb’ël nsamäj 
Nrejqaj pe <u>rusi’</u>
Chuqa’ richin yech’oke’ chi rij.
Jeb’ël nuna’ nutïj <u>räj</u> ri kej.
</poem>
Chupam re ti lema’ tzijonem re’ nqïl oxi’ tzij: rukej, nutata’, rusi’, räj. Chuqa’ tikirel nqatz’ët chi tikirel nqab’ij: kej, tata’aj, si’, äj pa kiyonil. Re re’ e ichinam chik. Konojel t’as tikirel yeqichinaj rik’in ri b’anonel k’exet’as.

Ka’i’ rub’eyal yeqichinaj ri taq t’as:

Toq ri kixe’el nuchäp rik’in:
{|style="width:30%;"
|-
|style="width:50%; line-height:14px;"|
k’uxatz’ib’

Wäj
 
Awäj 

Räj 

Qäj 

Iwäj 

Käj 


Nusi’ 

Asi’ 

Rusi’ 

Qasi’
 
Isi’ 

Kisi’ 


Nutata’ 

Atata’ 

Rutata’ 

Qatata’ 

Itata’ 

Kitata’ 


Wawän 

Awawän 

Rawän 

Qawän 

Iwawän
 
Kawän 
|style="width:50%; line-height:14px;"|
ch’akultz’ib’

nukej

akej

rukej

qakej

ikej

kikej


waq

awaq

raq

qaq

iwaq

kaq


wäk’

awäk’

räk’

qäk’

iwäk’

käk’


nut’as

at’as

rut’as

qat’as

it’as

kit’as
|}

==Ri b’anonel k’exet’as==
[[Archivo:Nuestro idioma en la escuela - Kaqchikel hombre y mujer.png|right|105px]]
Ri b’anonel k’exet’as ja ri taq xiltz’ij (afijo) nkachib’ilaj kichin jun taq tzij achi’el ri taq t’as. Nqïl Ka’i’ rub’eyal:

Toq ri ruxe’ ri t’as achoj chi rij nb’e wi, nchapatäj el ri tzij rik’in k’uxatz’ib’ (vocal): W, aw, r, q, iw, k.
 
Achi’el:

:Wija’tz 
:Qäk’
:Awis 
:Iwawän 
:Rey
:Kaq

Toq ri ruxe’ ri t’as achoj chuwäch nb’e wi, nchapatäj el rutz’ib’axik rik’in ch’akultz’ib’ (consonante): Nu, a, ru, qa, i, ki.

Achi’el:

:Nutzyaq 
:ruchakach 
:Ajuku’ 
:qach’akat 
:Rusi’ 
:kite’

==Jalajoj ruwäch t’as==
Ri jantape’ ichinam

Re taq t’as re’ jantape’ ichinam ruma ri b’anonel k’exet’as 

Ri nb’e kik’in ri tzij yechapatäj rik’in k’uxatz’ib’: w, aw, r, q, iw, k. o ri nchapatäj rik’in ch’akultz’ib’: nu, a, ru, qa, i, ki.

Rij, ruxaq, ruxe’, ra’, raq’, rey.

Xtzäq kan ri rij saq’ul ri ala’ pa b’ey.

==Jalajoj ruwäch t’as==
[[Archivo:Nuestro idioma en la escuela - Kaqchikel hombre y mujer.png|right|105px]]
''Sustantivos no poseídos''

T’as ri man jub’ey ichinan ta.
 
Ja re’ ri t’as ri man jub’ey tikirel ta nichinäx ruma ri b’anonel k’exet’as. Ruma re taq tzij re’ man tikirel ta nqab’ij chi richin ta xa xe jun winäq. 

Q’ij, ch’umil, sutz’, kaj, choy

==Ja ri t’as ri man jun nuk’ex ri’ wi nqichinaj, we nqaya’ el ri b’anonel k’exet’as rik’in richin nqichinaj==
[[Archivo:Nuestro idioma en la escuela - Kaqchikel enseñando.png|right|110px]]
''sustantivos invariables''

Ja re’ ri k’ab’äl tzij richin re re’:
<div style="width:20%;">
<div style="width:50%; float:left;">
<poem>
Oj 
K’um
Uq
Aj
K’oy
</poem>
</div>
<div style="width:50%: float:right">
<poem>
Woj 
nuk’um
wuq
waj 
ik’oy
</poem>
</div>
</div>
<div style="clear:both"></div>

==Taq ta’s ja toq nichinäx nujalwachij ri’ ri k’uxatz’ib’ k’o chupam ri t’as==
''sustantivos cambia vocal''

Tikirel nqatz’ët rik’in ri taq tzij re’: tiqatz’eta’ achike’ nk’ulwachitäj toq nqichinaj.
<div style="width:30%;">
<div style="width:50%; float:left;">
<poem>
Wäy
k’äq
kinäq’
</poem>
</div>
<div style="width:50%: float:right">
<poem>
nuway away ruway 
qak’aq ik’aq kik’aq 
nukinaq’ akinaq’ rukinaq’
</poem>
</div>
</div>
<div style="clear:both"></div>

==Ri t’as acht’as rub’i’==
[[Archivo:Nuestro idioma en la escuela - Kaqchikel hombre y mujer.png|right|105px]]
''sustantivo relacional''

Rusamaj chupam ri kemchi’, ja ri nuxïm kina’oj ka’i’ tzij, ka’i’ cholaj tzij

Jantape’ e ichinam.

K’amb’äl tzij:
<div style="width:40%;">
<div style="width:30%; float:left;">
<poem>
*Ik’in 
*uma 
*ik’in
</poem>
</div>
<div style="width:70%: float:right">
<poem>
w'''ik’in''' , aw'''uk’in''' r'''ik’in''', q'''ik’in''', iw'''ik’in''', k'''ik’in'''.
w'''uma''', aw'''uma''', r'''uma''', q'''uma''', iw'''uma''', k'''uma'''.
w'''ik’in''', aw'''uma''', r'''ik’in''', q'''ik’in''', iw'''ik’in''', k'''ik’in'''.
</poem>
</div>
</div>
<div style="clear:both"></div>
::Xitzaq '''ruma''' ri ab’äj.
::Xib’e '''rik’in''' nute’.
Chupam ri qach’ab’äl k’o chik jub’a’ taq acht’as. Jík eqal xkeqatz’ët apo ch’aqa’ chik.

==Kompuesto t’as==
''sustantivos compuestos''
T’as ka’i’ ruxe’el tzij k’o chupam xa xe jun ruq’ajarik k’o. Toq nichinäx ri retal ri ichinanïk nb’e chuwäch ri nab’ey ruxe’ tzij.

<div style="width:30%;">
<div style="width:50%; float:left;">
<poem>
Rax kej 
Räx ya’
Räx tew 
Kaxlan wäy 
</poem>
</div>
<div style="width:50%: float:right">
<poem>
ruraxkej
ruraxya’
ruraxwäch
rukaxlanwäy
</poem>
</div>
</div>
<div style="clear:both"></div>
[[Archivo:Nuestro idioma en la escuela - Kaqchikel p(72).png|center|350px]]

==T’ast’as==
''sustantivos complejos''

Re tzij re’ nunük’ chuqa’ ka’i’ ruxe’ tzij chupam jun tzij, xa xe jun ruq’ajarik nuya’. Toq nb’ix ri retal ri ichinanïk, nb’e chuwäch ri ruka’n ruxe’ tzij.

<div style="width:30%;">
<div style="width:50%; float:left;">
<poem>
K’amöl b’ey 
B’anöy si’
Solb’äl b’ätz’
</poem>
</div>
<div style="width:50%: float:right">
<poem>
k’amöl qab’ey
b’anöy qasi’
solb’äl nub’atz’.
</poem>
</div>
</div>
<div style="clear:both"></div>

==Ri t’as kat’as rub’i’==
[[Archivo:Nuestro idioma en la escuela - Kaqchikel hombre y mujer.png|right|105px]]
''Sustantivo de sustantivo''

Wawe’ chuqa nch’o chi rij ka’i’ ruxe’el tzij chupam jun tzij, xa xe jun ruq’ajarik. Chuqa’ ri nab’ey ruxe’el tzij jantape’ ichinan chik. Toq nichinäx ronojel ri tzij. Ri retal ri ichinanïk nb’e chuwäch ri ruka’n ruxe’el tzij.

<div style="width:30%;">
<div style="width:50%; float:left;">
<poem>
Ruq’a’ che’
Rij saq’ul
Ruxaq wuj
Ruxikin jay
</poem>
</div>
<div style="width:50%: float:right">
<poem>
ruq’a’ nuche’
rij rusaq’ul
ruxaq nuwuj.
ruxikin rochoch 
</poem>
</div>
</div>
<div style="clear:both"></div>

==Ri t’as k’ulajt’as rub’i’==
''sustantivo más sustantivo.''
Re taq t’as re’ nuya’ kik’in ri taq tzij nch’o chi rij ri ach’ala ri’ïl.

K’o ka’i’ ruxe’al tzij chupam toq nichinäx chi rij ka’i’ ruxe’ tzij nb’ey ri retal ri ichinanïk.

<div style="width:30%;">
<div style="width:50%; float:left;">
<poem>
Te’ej tata’aj
Atitaj mama’aj
Jite’ jinam 
Si’y jotay
</poem>
</div>
<div style="width:50%: float:right">
<poem>
nute’ nutata’.
wati’t numama’
nujite’ nujinan
rusi’j rujotay.
</poem>
</div>
</div>
<div style="clear:both"></div>
[[Archivo:Nuestro idioma en la escuela - Kaqchikel p(73).png|center|350px]]
13. T’as, b’i’aj, juyu’ b’i’aj
[[Archivo:Nuestro idioma en la escuela - Kaqchikel hombre y mujer.png|right|105px]]
'''Sustantivos propios'''
Wawe’ e k’o ri b’i’aj kichin winaqi’, chikopi’ .

:B’i’aaj 
:Ajpub’ 
:Ixch’umiil 
:Ix’ajpub’ 
:B’alam 
:Yaxk’in
:Saqiq’ij
[[Archivo:Nuestro idioma en la escuela - Kaqchikel p(74).png|center|350px]]

==T’as juyu’ b’i’aj==
''Topónimos''

Ja re’ ri kib’i’ taq juyu’, taq k’ojolib’äl k’o chuwäch ruwach’ulew, chuqa’ ri kib’i’ taq tinamït.

:B’i’aj juyu’ taq’aj
:Xe’ Nimajuyu’
:Iximche’
:Pa Su’m
:Tz’oloj Ya’.

'''Tzijonem'''
[[Archivo:Nuestro idioma en la escuela - Kaqchikel enseñando.png|right|110px]]
'''Samaj richin ri tijonel'''

Tasik’ij chuqa’ tacholo’ runuk’ik ri ti tzijonem chi kiwäch ri tijoxela’. Tab’ij chi ke ri tkelesaj na’oj chi rij ri achike nub’ij ri ti tzijonem.

'''Tzijonem'''
[[Archivo:Nuestro idioma en la escuela - Kaqchikel hombre y mujer.png|right|105px]]
Jun jeb’ël q’ij, jun achin nk’astäj jukumaj, Nukusaj rutzyaq. Nruq’etej rixjayil. Nuchöp reqja’n k’a ri’

nub’ij: rïn yib’e pa nusamaj, yatintzu’ toq’a’. Ke ri’ k’a. _ Nel rija’ pa taq nimaq’a’, k’a ri’ nb’iyin pa rusamaj. Nb’iyaj ka’i’ ramaj ruma näj rusamaj. Nb’iyaj ka’i’ ramaj roma näj rusamaj. Pa b’ey man nutz’ët ta jun chik winäq.

Toq napon akuchi’ nsamäj ri achin nutz’ët oxi’ winaqi’, jun achin ti’oj rub’anikil, ka’I’ ixoqi’ baq kib’anikil. E pa’äl akuchi’ nuchöy rija’ ri si’. Man nub’än ta rusamaj roma ri oxi’ winaqi’ e pa’äl akuchi’ nuchöy ri si’. Ri achin nub’ij:_ Tikuyu’ numak, po yisamäj wawe’. Tab’ana’ utzil, kixb’iyin, kixuxlan chi ri’ apo, akuchi man yisamäj ta. Kixq’ax ke la’.
[[Archivo:Nuestro idioma en la escuela - Kaqchikel p(76).png|right|200px]]
Majun nkib’ij ta chi re rija’. Man yetzijon ta. Jun b’ey chik ri achin ntzijon. Rija’ nub’ij: _ yisamäj wawe’, ronojel q’ij ninchöy si’, k’a ri’ nink’waj ri si’ k’a chi wochoch. Ruma rïx ix pa’äl wawe’, man yitikïr ta ninb’än nusamaj._ Po ri oxi’ winaqi’ man yetzijon ta. Ri achin man nrajo’ ta yerelesaj, yeuchoqomij ri oxi’ winaqi’, po k’o chi nub’än rusamaj. Toq yeruchäp, ri achin nretamaj chi rije’ man e winaqi’ ta, xa ja ri’ rije’ e oxi’ che’.

Nretamaj chi man ntikïr ta yerub’inisaj ri oxi’ ruma xa xe e taq che’. Chuqa’ toq yeruchäp ri oxi’ che’ man nutz’ët ta chik kich’akul, kipaläj. Xa xe oxi’ che’ nutz’ët. Nuna’ojij ri achin, _k’o chi ninjäl nusamaj. Man ninchöy ta chik ri si’. Wakami ninb’än k’oj_.

K’a ri’ nuchöy rija’ ri oxi’ che’. Yeruk’waj k’a rachoch. Yalan al ti taq che’. Toq nutz’ët ri oxi’ che’, man jun si’ ta, rixjayil nub’ij chi re ri achin: _ nqajo’ si’ ruma ri q’aq’, xaxe nak’äm pe taq che’. Achike nqab’än wakami?

Tatzu’ ri che’ jun b’ey , ixöq_ nub’ij ri achin:_ tab’ij pe chwe ¿achike natz’ët? Nab’ey ri ixöq nub’ij: _ rïn nintzu che’, xa xe che’_. K’a ri’ rija’ nutz’ët, “manaq, nintz’ët jun rupaläj winäq. Ruma ri’ man nk’än ta pe qasi’. ¿Qitzij?

Nusipaj chwe ri Ajaw jun k’ak’a’ samaj_ nub’ij ri achin.

'''Samaj kichin tijoxela’.'''
[[Archivo:Nuestro idioma en la escuela - Kaqchikel hombre y mujer.png|right|105px]]
*Tatz’ib’aj k’a’i oxi’ taq cholaj ri xatkowin xawak’axaj kan chi rij ri nub’ij ri ti tzijonem.
*Takanoj ronojel ri taq t’as nawïl chupamri ti tzijonem. Toq xtawïl ta jacha’ kiwäch chi kijujunal.
*Takanoj ronojel ri taq t’as e ichinan chupam ri tzijonem. Toq xtilitäj ronojel, tanuk’u’, k’a ri’ tatz’aqatisaj rik’in ri man ichinam ta e k’o chupam ri tzijonem. 
*Tatz’ib’aj e achike ri yetzijon chupam ri ti tzijonem.
*Tatz’ib’aj achike xub’än ri ti achin nab’ey mul, k’a ri’ achike’ xub’än pa ruk’isb’äl.
*Takanoj jun t’as, toq xtawïl tatz’ib’aj chuwäch jun ti peraj wuj, toq xtitz’ib’atäj chawäch 
*tatz’aja’ chuwäch ri tz’aläm tz’ib’ab’äl. K’a ri’ tatz’ib’aj chik ronojel rucholajik rik’in rokisaxik ri ichinanik rik’in.
*Rik’in ri ti tzij xatz’ajb’a chuwäch ri tz’aläm tz’ib’ab’äl, tatz’eta’ achike chik tzij tikirel najotayij rik’in

'''Tijonel'''
[[Archivo:Nuestro idioma en la escuela - Kaqchikel enseñando.png|right|110px]]
Wakami, loq’oläj tijonel, k’o chi nqab’än ruch’arik, runuk’ik ri taq b’anoj. K’atzinel chi ri taq ak’wala’ nketama chi k’o jun k’ai’ ruwäch b’anoj chupam ri qach’ab’äl kaqchikel. Chupam k’a re’ ri jun ka’i’ taq cholaj tzij qaya’on pe chawäch, achike rusamaj, achike rub’eyal chi kijujunal ri taq b’anoj.

K’atzinel chawe rat chi nasik’ij na nab’ey achike rub’anon chi kijujunal, k’a ri’ xtatijoj awi’ chi rij. Chi kijujunal ri taq tzij nqak’üt chawäch, qanimirisan rub’onil ruq’eqal. Chi ri’ k’a tatzu’ wi rat achike k’exoj nub’än chupam ri taq tzij. 

Rik’in ri ke ri’ xtab’än xtanik’oj chi ütz, aninäq nawetamaj rub’anik nak’üt chi kiwäch ri taq tijoxela’.

Jun chik nqajo’ nqab’ij apon chawe. K’o chi nakamuluj naroxmuluj ri atijoxik rat chi rij ri nawajo’ nak’üt chi kiwäch ri taq atijoxela’. Ütz k’a jik rik’in k’o jun utziläj k’utunem nab’än. Toq k’a xtak’üt chi kiwäch ri taq tijoxela’. Chi ri’ k’o ka’i’ oxi’ taq samaj k’o chi nkib’än. Nab’än jun utzil rat, nanik’oj chuqa’ nach’ajch’ojirisaj ri taq samaj, rik’in ri na’oj nak’utuj chi ke ri taq ak’wala’. Ke ri’ rub’anon ri ti samaj ri’, ke ri’ xtab’än chi re richin ütz xtiqanimirisaj rokisaxik ri qach’ab’äl Kaqchikel.

==B’anoj==
[[Archivo:Nuestro idioma en la escuela - Kaqchikel hombre y mujer.png|right|105px]]
''Verbos''
Jun b’anoj, nutzijoj jun samaj, jun silonïk nub’än jun ch’akulaj (richin winäq, chiköp, jalajoj chik) chuqa’ ri nub’än jun na’oj (ch’ob’onïk, b’isonïk, jalajoj chik). Tikirel nk’ulwachitäj ruma k’o nb’ano o ruma nb’an chi re ruma jun chik ch’akulaj, o jun chik na’oj. 

:Xatin 
:xb’ewär
:Xutïj 
:xtuqüm
:Xkixajo’ 
:nub’än
:Nwa’ 
:yiwär
:Yach’o 
:yina’ojin
:Yib’ison 
:xkikikot
:xkowïr 
:nsaqär
:Najin nwa’
:Najin njote’

'''Molaj k’ulb’anel'''
 
Nab’ey chuwäch nawetamaj achike jun b’anoj jub’anoj, k’atzinel chi nqetamaj ri molaj k’ulb’anel.

Ja re’ ri nk’utu’ ri ruwinaqilal nb’ano richin jun b’anoj jub’anoj. Chuqa’ tikirel ri nk’ulu’ ri na’oj nub’ij chupam ri b’anoj wi kab’anoj. 

K’o oxi’ pa ruyonilal:
<div style="width:20%;">
<div style="width:50%; float:left;">
<poem>
In
At
</poem>
</div>
<div style="width:50%: float:right">
<poem>
in k’o
at k’o
</poem>
</div>
</div>
<div style="clear:both"></div>
Ø (xa xe richin nqab’ij chi wawe’ man jun nb’e ta, man jun nqatz’ib’aj ta)

oxi’ richin pa k’iyilal:
<div style="width:20%;">
<div style="width:50%; float:left;">
<poem>
Oj
Ix
E
</poem>
</div>
<div style="width:50%: float:right">
<poem>
oj k’o
ox k’o
e k’o
</poem>
</div>
</div>
<div style="clear:both"></div>

==Q’ijul rub’eyalil b’anikilal (q’/r/b’)==
''Tiempo aspecto y modo''
Re re’ nch’o chi rij ri ramaj, ri q’ijul, ri rub’eyalil, chuqa’ ri rub’anikilal nk’ulwachitäj jun na’oj, jun b’anoj.

Tikirel yojch’o chi rij ri rub’eyalil

Ruma ja re’ ri nuk’üt ri qach’ab’äl. 
<poem>
We xk’uwachitäj yan ri b’anoj
Rub’eyalil (X-)
Xiwa’ myer pa q’ij.
We najin nk’ulwachitäj ri rub’eyalil (Y-/N-)
Yiwa’ wakami.
Nwa’ ri achin.
We xtik’uwachitäj ri b’anoj.
Rub’eyalil: (xk-/xt-.) 
Xkiwa’ rïn 
Xtwa’ rija’
</poem>
 
==Rupach’uxik ri jub’anoj==
[[Archivo:Nuestro idioma en la escuela - Kaqchikel hombre y mujer.png|right|105px]]
'''Conjugación de verbos intransitivos'''

Ja re’ ri runuk’uxik chupam jun b’anoj.

Q’ijul rub’eyalil b’anikilal + molaj k’ulb’anel + ruxe’el ri b’anoj. 

Q’/R/B’ + MK’+ Ruxe’al tzij 

X- at- atin

:Xinatin
:Xatatin
:Xatin 
:Xojatin 
:Xixatin
:Xe’atin
:Yiwär
:Yawär
:Nwär 
:Yojwär 
:Yixwär
:yewär
[[Archivo:Nuestro idioma en la escuela - Kaqchikel p(80).png|center|250px]]
==Rupach’uxik ri jub’anoj ri ruxe’el ntikïr el rik’in jun k’uxatz’ib’==
''conjugación de v.i. con vocal inicial la raíz''

Toq ri ruxe’el ri b’anoj ntikïr el rik’in k’uxatz’ib’ ri molaj k’ulb’anel ke re’ rub’anikil.

In, at, (Ø), oj, ix, e.
 
Q’/R/B’ + MK’+ Ruxe’al tzij 
{|style="width:45%;"
|-
|style="width:33%; line-height:14px;"|
X-


Xinel
 
Xatel
 
Xel

Xojel

Xixel

Xe’el
|style="width:33%; line-height:14px;"|
at-


yinel 

yatel 

nel 

yojel 

yixel 

ye’el
|style="width:33%; line-height:14px;"|
el


xkinel

xkatel

xtel

xkojel

xkixel

xke’el
|
|}

==Rupach’uxik ri jub’anoj ri ntikïr el ruxe’el rik’in jun ch’akultz’ib’==
''conjugación de v.i. con consonante inicial la raíz''

Toq ri ruxe’el ri b’anoj ntikïr el rik’in ch’akultz’ib’ ri molaj k’ulb’anel ke re’ rub’anikil.

i, a, (Ø), oj, ix, e. 

Q’/R/B’ + MK’+ Ruxe’al tzij 

{|style="width:45%;"
|-
|style="width:33%; line-height:14px;"|
X-


Xib’e

Xab’e

Xb’e

Xojb’e 

Xixb’e 

Xeb’e 
|style="width:33%; line-height:14px;"|
a-


yisamäj 

yasamäj

nsamäj

yojsamäj

yixsamäj 

yesamäj
|style="width:33%; line-height:14px;"|
samäj


xkiq’ax

xkaq’ax

xtq’ax

xkojq’ax

xkixq’ax

xkeq’ax
|}

==Ri kab’anoj==
[[Archivo:Nuestro idioma en la escuela - Kaqchikel hombre y mujer.png|right|105px]]
''Verbos transitivos Juego B y Juego A y sus variaciones en v.t.''
Ja re’ ri taq tzij ri k’o retal ri molaj b’anb’anel chupam chuqa’ ke ri’ ri molaj k’ulb’anel chupam.

K’atzinel chi k’o jun achike nb’ano richin ri b’anoj, chuqa achike nk’ulu richin ri nub’ij chupam ri b’anoj.

Molaj k’ulbanel:
<poem>
i, a, Ø, oj, ix, e.
Chuwäch ch’akultz’ib’

In, at, Ø, oj, ix, e.
Chuwäch k’uxatz’ib’

Molaj b’anb’anel:
Nu (in), a, ru (u), qa, i, ki.

Chuwäch ch’akultz’ib’

W (inw), aw, r, q, iw, k chuwäch k’uxatz’ib’
</poem>
==Ri runuk’unem ri chin ri xilatz’ib’ chupam jun b’anoj kab’anoj, ja ke re’==
''Organización de las partes del verbo transitivos concordancia''
Q’/R/B’ + MK’+ MB’+ Ruxe’al tzij 
<poem>
X- a(t)- ru- chäp
y- a(t)- ra- atinisaj
xt- Ø- u- tz’ib’aj

K’amb’äl tzij: Chapoj, q’oloj, chupuj, tikoj, tijoj.

X-a(t)-ru-ch’äp
X-oj-ru-q’öl
X-()-u-tïk
x-()-kitijoj
xaruchäp
xojruq’öl
xutïk
xkitijoj

xØutïk <u>ija’tz ri achin</u>
</poem>

==Xilatzij nub’ij chi k’o sila’ chupam ri b’anoj==
''Movimiento en el v.t y v.i.''

Re sila’ re’ ja ri rub’ey nuk’waj ri na’oj chu¬pam jun b’anoj.
<poem>
Ri retal ja re’:
B’e, ul, ik’o.

Xa xe ka’I’ ri kan pa qitzij nokisäx: b’e, ul.

K’amb’äl tzij.

Xatb’eruchapa’
Xojulruq’öl
Xatik’owa’

Toq nqokisaj ri b’e, chi rij ri b’anoj kab’anoj k’o chi nqatz’ib’aj jun -a’. toq CVC rub’anikil ruxe’ ri b’anoj.
</poem>
==Ruxe’al ri b’anoj==
[[Archivo:Nuestro idioma en la escuela - Kaqchikel hombre y mujer.png|right|105px]]
''La raíz verbal''
Ri ruxe’al ri b’anoj, xa xe ka’i’ rub’eyal tikirel nqïl.

*nchapatäj el rik’in k’uxatz’ib’ 
*atin 
*el 
*ïl

*Nchapatäj el rik’in ch’akultz’ib’. 
*ch’äp 
*tïk 
*q’etej

Junam nk’ulwachitäj we jun jub’anoj o jun kab’anoj.

==Ri xil tzij: rij tzij==
''El sufijo''
Ri rij tzij, xa xe chi rij ri ruxe’al jun tzij tikirel nqïl wi.

:Xchapo
:Xuq’etej 
:Rij tzij cambiar traje
[[Archivo:Nuestro idioma en la escuela - Kaqchikel p(82).png|center|220px]]

==Rupach’uxik kichin ri taq b’anoj==
''Conjugaciones de los verbos: cantar, llamar, encontrar, esperar, enseñar.''

B’ixanïk, oyonïk, ilïk, oyob’enïk, k’utuj.

<div style="width:30%;">
<div style="width:50%; float:left;">
<poem>
Xinb’ixaj 
Xab’ixaj 
Xb’ixaj 
Xqab’ixaj 
Xib’ixaj 
Xkib’ixaj| 

Yinoyon 
Yatoyon 
Noyon 
Yojoyon 
Yixoyon 
Ye’oyon 
</poem>
</div>
<div style="width:50%: float:right">
<poem>
xtinwïl
xtawïl
xtwïl
xtiqïl
xtiwïl
xtkïl

xinwoyob’ej
xawoyob’ej
xroyob’ey
xqoyob’ej
xiwoyob’ej
xkoyob’ey
</poem>
</div>
</div>
<div style="clear:both"></div>

==Ri chojmitzij==
[[Archivo:Nuestro idioma en la escuela - Kaqchikel enseñando.png|right|110px]]
''Direccionales''
Re ti tzij re’ nrachib’ilaj ri b’onoj richin nuya’ na’oj rub’ey nuk’waj ri b’anoj.

:Xuchäp el
:Xuchäq qa
:Xuchäp aq’anäj
:Xuchäp apo
:Xuchäp kan
:Xuchäp ok
:Xuchäp pe

==Xe’al “radical”==
''raíces transitivas radicales''
Ri ruxe’el re tzij re’ ke re’ rub’anikil.:
CVC (ch’kultz’ib’, k’uxatz’ib’, 
ch’akultz’ib’). Achi’el ri tzij:
<poem> 
<u>B’anoj</u>
Ruxe’el:
B’an s u ’ 
CVC CVC
Xu<u>b’än</u>
Xu<u>su’</u>
Konojel re tzij re’ “ratikal” kib’i’:
Su’uj 
b’iqoj 
ch’ayoj
Tz’etoj 
seqoj 
muquj
Moloj 
tikoj 
qumuj
</poem>

==Jotayin tzij==
''raíces transitivas derivadas''

Ri kixe’el re tzij re’, jub’a’ chik chuwäch ri CVC; ke re’: CVCVC…
<poem> 
Achi’el ta ri tzij: 
<u>Q’etenïk</u>

CVCVC

Re’, nub’ij chi jun tzij, xutz’ukutäj pe chi rij ruxe’el jun chik tzij:

Konojel re’ e jotayin tzij:

Atinisanïk 
Q’etenïk 
b’iyinisanïk 
xu<u>b’iyinisaj</u>
xr<u>atinisaj</u>
xu<u>q’etej</u>
</poem> 
==Rupach’unik kichin jotayin==
[[Archivo:Nuestro idioma en la escuela - Kaqchikel enseñando.png|right|110px]]
''La k’o pa ( ) nub’ij chi ntzaq kan la tz’ib’ la’. Connjugacion de Verbos transitivos derivados''
taq tzij pa jun kab’anoj.
Ri runuk’uxik richin jun jotayin tzij ke re’:
<poem>
Q’/R/B’ + MK’+ MB’+ Ruxe’al tzij
 
y- a(t)- ra- '''atin-isaj''' 
CVC-VCVC 
xt- Ø- (r)u- '''tz’ib’-aj''' 
CVC-VC

Yaratinisaj
Xtutz’ib’aj
Ch’aqa’ chik:

Nwatinisaj 
Nawatinisaj 
Nratinisaj 
Nqatinisaj 
Niwatinisaj 
Nkatinisaj 
xiratinisaj
xaratinisaj
xratinisaj
xojratinisaj
xixratinisaj
xeratinisaj
</poem>

==rupach’uxik richin jun k’ab’anoj jotayin uma’il==
''Conjugación de verbos transitivos causativos.''

Ri uma’il jun rij tzij –isa+j rub’anikil.

:Xub’in'''isaj'''
:Xuwar'''isaj'''
:Xratin'''isaj'''
:Nub’in'''isaj'''
:Nuchojm'''isaj'''
:nusaqar'''isaj'''

==Rub’anikil ri ruk’iyal==
''Plural agragado a s. de persona.''

Nqab’än ruk’iyalil jun tzij rik’in nqatz’aqatisaj rik’in ri tz’ib’: -a’ o i’.

:Achi’'''a’'''
:Ixtan'''i’'''
:Q’opoj'''i’'''
:Ak’wal'''a’'''
:Ixoq'''i’'''
[[Archivo:Nuestro idioma en la escuela - Kaqchikel hombre y mujer.png|right|105px]]
'''Ri ti xtän man nretamaj ta'''

Samaj richin ri tijonel

Tacholo’ tanuk’u’ chi kiwäch ri tijoxela’ achike ruma k’atzinel ri ach’alal ri’ïl, ri to’on ki’, ri pa q’uch yojsamäj ri oj winaqi’ chupam ri tinamït.

Tab’ij chi ke yojk’atzin chi ke ri qate’ qatata’ richin rusamajixik ri qatinamit, rik’in utziläj taq na’oj, utziläj taq samaj. Pa qochoch, pa qatijob’äl k’atzinel chi nqab’än ri utziläj taq na’oj richin nqanük’ jun saqiläj na’oj. Chi rij re’, k’atzinel chi natzijoj rij re jun ti tzijonem re’.

Xub’än jun achin jumul cha’. E k’o oxi’ ralk’wal, e ka’i’ alab’oni’ rik’in jun xtän, cha’. Ri taq alab’oni’, cha’ yalan e nimanel tzij, pa taq jay rik’in ri kite’, rik’in ke ri’ pa samaj rik’in ri kitata’, cha’. Ja k’a ri kana’, cha’, yalan jeb’ël rik’in ri rismal ruwi’, jeb’ël nrilij , jeb’ël nuch’äj, cha’.

Xpe ri rute’ cha’, xub’ij chi re, cha’: _Tab’ana’ utzil kasamäj jub’a’, achike k’a re’ xa ja rïn yib’ano away chawäch, ncha’äx, cha’. _Ja k’a wi man xkinanimaj ta, xtatzët achike xtinb’än chawe. Xb’ix chi re ruma ri rute’, cha’. Pa nik’aj q’ij cha’, xuchojmij el chik ri’ richin nanimäj el, cha’. Nuna’ojij cha’: _We xkikanäj qa xkiruch’äy, q’alaj ri’ yirukamisaj, nub’ij cha’,_ kib’ena ütz k’a xa achike xub’än chwe, nub’ij ri xtän, toq xkitzoloj pe, jïk xk’achoj yan chik ri samaj, man jun chik nub’än, ncha’. Ke ri’ xub’än ja ri xtän xb’e, rik’in ke ri’ xuch’öb’.

Naqaj ri kochoch k’o k’ jun che’, cha’. Ri che’ jeb’ël rumujal rub’anon, cha’. Chi ri’

Xrewaj wi ri’. Chuxe’ ri nimaläj che’ xb’ekotz’e’ wi, cha’. Ke ri’ xub’än xqa qa pa ruq’a’ ruwaram. Toq k’a xuna’ aq’anäj ruwäch, cha’. Man nkowin ta chi nyakatäj, cha’. Toq xutz’ët qa, ri raqän, cha’. Xa jun b’olob’ïk kumätz chik ri raqän, cha’. Jun b’olob’ïk kumätz yalan nïm raqän, cha’. Toq xe’ulqa ri rutata’, cha’, xrak’axaj chi re ri rixjayil, cha’. 
_¿akuchi’ k’o wi ri nume’al? Nub’ij cha’. _ja k’a ri te’ej xub’ij chi re ri rachijil, cha’: _ Ri ami’al man xniman ta tzij myer, pa nik’aj q’ij xel el. Ke re’ pa ruxikin jay xok el wi ri’, xb’ix chi re ri rutata’ ri xtän, cha’.

Xpe ri rutata’ ri xtän xb’eruk’ama’ pe rukolo’, cha’. _wakami nb’ekanoj na, akuchi’ na xtinwïl wi. Toq xtinwïl pe, achike na xtinb’än pe chi re chi kolo’. Ja k’a ri te’ej, cha’, xuk’ül el ri b’ey chuwäch ri rachijil, akuchi’ xq’ax el ri ral, cha’.

Akuchi’ na warinäq wi chuxe’ taq che’ ri’, nub’ij ri rute’, cha’. Ja ri xkichäp rukanoxik cha’, xa chi ri naqaj, chi rij kochoch xk’oje’ wi kan, cha’. Toq toq xelitäj ruma rutata’, akuchi’ na petenäq jun raxtew xpe chi rij cha’, ruma xuxib’ij ri’. 

Chuqa’ xsikïr ronojel ri rub’aqil. Ma xkowin ta chik xjel apo rik’in ri rumi’al cha’.
Nik’aj rub’aqil ri xtän, cha’ ri’, xok yan aq’anäj jun nimaläj kumätz. Ke ri’ xub’än ri xtän ruma yalan ruq’oral, ruma man xnimaj ta rutzij rute’, chuqa’ ruma pa ruyonil xerub’anala’ jastäq taq na’oj.

Tichajij iwi’ k’a ruma ri yalan q’oral kan k’o wi nuya’, achi’el xub’än chi re ri xtän ri xok kumätz. 
<ref>Xtz’ib’äx pa Kaqchikel ruma: Filiberto Patal Majzul</ref>

'''Samaj kichin tijoxela’'''
[[Archivo:Nuestro idioma en la escuela - Kaqchikel hombre y mujer.png|right|105px]]
Tatz’ib’aj ka’i’ oxi’ taq tzij chi rij ri xawak’axaj kan chi rij ri ti alaj tzijonem xsik’ïx qa chawäch.

Takanoj ronojel taq b’anoj nawïl chupam re ti tzijonem. K’a ri’ tajach’a kiwäch chupam ri jub’anoj y ri kab’anoj.

Takanoj oxi’ jub’anoj rik’in oxi’ kab’anoj, k’a ri’ chi kijujunal tab’ana’ rupach’unik.

Tatz’ib’aj ri taq xila tz’ib’ e k’o chupam ri taq b’anoj xe’awïl. 

Tatz’ib’aj achike ruq’ijul rub’eyalil e k’o wi ri taq b’anoj xtaqïl, k’a ri’ taq jacha’ kiwäch chi kijujunal.

Tatz’ib’aj achike ri yetzijon chupam ri ti tzijonem, xasik’ij qa.

Taz’ib’aj wo’o’ taq b’anoj, k’a ri’ tatz’eta’ achike’ ri jotayin ruxe’el.

==Rub’eyal nqak’üt ruk’iyal jun t’as==
[[Archivo:Nuestro idioma en la escuela - Kaqchikel enseñando.png|right|110px]]
''Plural de adjetivos''

Ri rub’eyal nqak’üt ri ruk’iyal jun tzij, ke re’.

Taq Re jun ti nik’aj tzij ri nqokisaj. 

K’amb’äl tzij:

<div style="width:30%;">
<div style="width:50%; float:left;">
<poem>
Tz’i’
Ch’akat
Ab’äj 
Tz’ikin
</poem>
</div>
<div style="width:50%: float:right">
<poem>
'''Taq''' tz’i’ 
'''Taq''' ch’akat 
'''Taq''' ab’äj
'''Taq''' tz’ikin
</poem>
</div>
</div>
<div style="clear:both"></div>

==Ruk’iyal rik’in jalt’as k’ojolib’äl==
''Plural con adjetivos descriptivos''
<div style="width:30%;">
<div style="width:50%; float:left;">
<poem>
Perepïk
Setesïk
Nakanï
Sob’osïk
</poem>
</div>
<div style="width:50%: float:right">
<poem>
'''taq''' perepïk
'''taq''' setesïk
'''taq''' nakanïk
'''taq''' sob’osïk</poem>
</div>
</div>
<div style="clear:both"></div>

==ruk’iyal kichin ri ruka’n taq b’i’aj==
''plural con apellidos''
Chi rij ri ruka’n b’i’aj, natz’ib’aj ri xilatzij: -a’, -i’ richin nak’üt ri ruk’iyal. Chuqa’ toq nb’e ri ruk’iyal jantape’ nb’e ri tzij chi chuwäch ri ruka’n b’i’aj.

:K’amb’äl tzij.
:Chi Aju’i’
:Chi patali’
:Chi b’ochi’
:Chi b’aqi’

==Ri taq k’ajtzij==
[[Archivo:Nuestro idioma en la escuela - Kaqchikel hombre y mujer.png|right|105px]]
''Las partículas''

Ri taq k’ajtzij ja ri’ ri nk’utu akuchi’ jalajoj rutzijol nuya’ jun b’ab’.

K’ïy mul nch’o chi rij ri ramaj, ri rub’eyal nk’ulwachitäj jun na’oj. 

:K’ajtzij:
:Ok, 
:Chik
:Qa
:El 
:Ti
:Taq

==Ri k’ajtziij ri nk’utu ri samajib’äl o ri k’ojolib’äl==
''partículas que derivan instrumento/locativo''

*'''b’äl -Vb’äl''' 

Re taq xil tzij re’ nkitz’ük jun chik tzij chi rij jun ruxe’el jun chik tzij.

:Sa’'''ab’äl''', 
:Samaj'''ib’äl''', 
:to’'''ob’äl''', 
:tij'''ob’äl'''
:tz’uy'''ub’äl'''

Tikirel natojtob’ej rat nakanoj jujun chik taq tzij ke re’ rub’anikil.

==K’ajtziij ri nk’utu wi ri rub’anik jun atuxtäq pa jun k’ojolib’äl==
''demostrativos.''
<poem>
'''Re’'''
'''Ri’'''
'''La’'''

'''Re re’'''
'''Ri ri’'''
'''La la’'''

'''Re ''ilustraciones'''''
'''Ri'''
'''La'''
</poem>
==k’ajtz’ij ri nb’iyin manaq chi re jun na’oj==
[[Archivo:Nuestro idioma en la escuela - Kaqchikel hombre y mujer.png|right|105px]]
''Partículas de negación''

Tikirel nqab’ij manaq richin nqatzalq’omij jun k’utunïk.

'''Ni, manaq, naq, ne’, ni’. Ta, man jun, man jani, mani.'''

Chuqa’ tikirel nqab’ij manaq chi re jun peraj richin ri b’ab’. Re re’ nqab’än rik’in ri '''Man''' … '''ta'''. Chukojol re taq tzij re’ nb’e ri na’oj nqamajunisaj.

:'''Man''' äk’ '''ta''' xutïj ri tz’i’.
:'''Man''' rusamaj '''ta''' ri ala’ xujäch.

==K’ajtziij ri nb’ano k’utunïk==
''Partículas interrogativas.''

:'''¿Achike?'''
:'''¿Atux?'''
:'''¿Aku’ux?'''
:'''¿Janipe’?'''
:'''¿Jarupe’?'''
:'''¿La?'''
:'''¿Noj?'''
:'''¿Akuchi’?'''

Tikirel chuqa’ nqatz’aqatisaj rik’in jun ley chik taq tzij:

:'''¿Achoj richin?'''
:'''¿Achike ruma?'''
:'''¿aruma?'''

'''Tijonel:'''
[[Archivo:Nuestro idioma en la escuela - Kaqchikel enseñando.png|right|110px]]
Wakami k’a k’o chi nab’än rub’anikil jalajoj taq k’utunïk, ri taq k’iyal, taq k’ajtzij, richin man jun ak’ayewal nk’oje’. Ri ütz chuqa’ nab’än richin nwetamaj, ja ri natzu’ chupam taq wuj, chupam taq tzij tz’ib’atäl pa qach’ab’äl, tikirel ja rat yab’ano ronojel re’, tikirel nawak’axaj chi ke ri winaqi’ chupam ri qatinamit, chi ke ri qach’alal chi kojkito’ nkiya’ ri kitzij chi qe k’a ri’, röj nqatz’ib’aj chuwäch wuj.
 
K’a ri’ rik’in rub’onil nqaya’ kan retal jun ruwäch chi tzij, rik’in jun chi b’onil nqaya’ kan retal jun chik tzij. Ke ri’ eqal nusöl qa ri’ chi qawäch rub’anikil rupachum ri’ ri qach’ab’äl.

Xa xe nqak’utuj chawe chi manta npe awoyowal wi manaq nawïl ta qa pan aninäq ri rub’anikil ri taq na’oj re’, ruma xa eqal na yob’e chi rij.

Jun chik na’oj ri yojruto’ janina toq nqaya’ ri k’utunïk chi ke ri ak’wala’ ja ri nqelesaj taq tzijonem, k’a ri’ yeqelesaj ri taq tzij achoj chi rij yojch’o wi chupam ti qatijonïk ri q’ij ri’. 

Chuqa’ tanataj chi wi ri ak’wal manaq netz’an ta, k’ayew xtub’än chuwäch richin nretama kan ronojel ri nqajo’ nqak’üt chuwäch. Chuqa’ k’atzinel chi toq nqak’üt jun na’oj, k’o chi röj nqakanoj chuqa’ rub’anikil kik’in ri qatijoxela’.

Pa ruk’isb’äl re wuj re’ xtiqatz’ib’aj jalajoj kib’i’ taq wuj, rik’in re’ tikirel nato’ awi’ richin nawetamaj jub’a’ chik pa ruwi’ ri kemchi’ richin ri qach’ab’äl kaqchikel.

==Jab’ab’==
[[Archivo:Nuestro idioma en la escuela - Kaqchikel enseñando.png|right|110px]]
''La oración, declarativa y afirmativa''

Jun b’ab’ nub’ij chi nb’an ri samaj.

'''La k’o atata’ pa jay?'''

'''Ja’ k’o.''' 

'''K’o ri nutata’ pa jay.'''

'''Pa jay netz’an wi ri ak’wal.'''

'''La''' k’oli ja ri atata’ pa jaay. 
Pa jaay nejtz’aan '''wi’''' ja ri ak’aal. 

'''La''' nsamaji ja ri atata’ wik’iin.

==Jun b’ab’ ri nb’in chi man nb’anatäj ta ri samaj==
''oraciones negativas''

'''Ma utz ta''' xinwa’ ruma ri wey. 
'''Ma utz ta''' xrub’än kan chi re qach’akat ja ri achi. 
'''Ma utz ta''' nojb’e chupam ja juku’.

==B’ab’ ri nb’ano ri k’utunïk==
oraciones interrogativas

*¿'''La''' achike ri xeb’e rik’in ri nute?.
*¿'''Achike''' xb’ano wi richin la iwachoch?
*¿'''Achike''' nb’ano richin ri iwochoch?

==Ri k’oxomal==
[[Archivo:Nuestro idioma en la escuela - Kaqchikel enseñando.png|right|110px]]
''Acento marcado o no marcado.''
Chupam ri qach’ab’äl, man jun achike ta retal nqaya’ ri k’oxomal ruma ronojel nk’ulwachitäj pa ruk’isb’äl chi re ri tzij. 

Achi’el chupam re ka’i’ oxi’ k’amb’äl tzij re’:

:Tz’ib’'''ab’äl''' 
:kema'''tz’ib’''' 
:sam'''aj''' 
:qej'''oj'''
:Pak’'''a’ch''' 
:tz’un'''un'''
:poq'''on''' 
:jos'''öl'''
:Pa’'''äl''' 
:ch’a'''kät''' 
:tik'''ïl''' 
:b’it'''öl'''
:Xa'''nän''' 
:jolo'''maj''' 
:kin'''äq’''' 
:q’ol'''oj'''
:K’olo'''k’äq''' 
:sol'''öy''' 
:b’al'''am''' 
:setes'''äq'''
:Ke'''mon''' 
:q’o'''jom''' 
:sot'''o’y''' 
:chap'''öy'''
:Aqa'''naj''' 
:tza'''maj''' 
:qul'''aj''' 
:ch’ek'''aj'''
:K’u'''jay''' 
:aw'''än''' 
:jo’q 
:äj
:Äk’ 
:tz’i’ 
:sy'''an''' 
:meseb’'''äl'''

==jalt’as==
[[Archivo:Nuestro idioma en la escuela - Kaqchikel enseñando.png|right|110px]]
''El adjetivo''

Ja re’ ri tzij ri nub’ij achike’ rub’anon ri t’as.

Jalajoj na’oj tikirel nub’ij chi rij: ti ko’öl, nïm, q’ëq, säq, jalajoj chik.

:Säq
:Q’ëq
:Räx
:Q’än
 
:Käq
:Tuq’
:Ko’öl
:Pïm
:Chawon
:Kokoj

==k’ojlemal==
''adjetivos posicionales.''

Re tzij re nub’ij achike’ rub’eyal k’o jun atuxtäq.

:K’awäl
:Tzeqël
:Pa’äl
:Tz’uyül
:Ch’oköl
:Kotzöl
<center>
<gallery widths=150px heights=150px>
Archivo:Nuestro idioma en la escuela - Kaqchikel p(80).png
Archivo:Nuestro idioma en la escuela - Kaqchikel p(94.1).png
Archivo:Nuestro idioma en la escuela - Kaqchikel p(94.2).png
Archivo:Nuestro idioma en la escuela - Kaqchikel p(94.2).png
</gallery>
</center>

==Ximöy tzij==
[[Archivo:Nuestro idioma en la escuela - Kaqchikel enseñando.png|right|110px]]
''Preposición''

Re jun tzij re’ nto’on richin nuya’ jun na’oj richin jun k’ojolib’äl, chupam ri b’ab’, richin nutz’aqatisaj ri na’oj.
<poem>
'''Chi/ch, pa/pan.''' 

'''Ch''' toq k’o jun acht’as achi’el ri –e’ naqaj rik’in .
'''Pa''' toq chuwäch ri tzij ntikïr el rik’in ch’akultzij.
'''Pan''' toq chuwäch ri tzj ntikïr el rik’in k’uxatzij.

Xipalaqin '''Pa''' b’ey.
'''Pan''' awän xwa’ wi ri achin.
'''Cha'''we xuya’ ri jäl ri ti ak’wal.
'''Chi''' nuk’u’x xk’oje’ wi kan ri taq awäch.
</poem>
==t’as tzij==
''sintagma nominal''
Jun t’as tzij jun molaj tzij junam yesamäj richin nkiya’ ri na’oj. K’atzinel chi ri ruk’u’x ri molaj tzij, jun t’as.

:Xb’e <u>ri nutata’.</u>
:<u>Re jun ley winaqi’ re’</u> man e aj tz’olojya’ ta.
:<u>Ja ri achin</u> xxajo rik’in <u>ri rute’.</u>

==b’anoj tzij==
''sintagma verbal''
Jun b’anoj tzij jun molaj tzij junam yesamäj richin nkiya’ ri na’oj. K’atzinel chi ri ruk’u’x ri molaj tzij, jun b’anoj.

:<u>Xiwa’ el</u> chi wochoch.
:<u>Xiruchikmayij apo</u> pa q’aq’ ri achi.
:<u>Xb’iyin aq’anäj</u> ri achi pa rochoch. 

==Ch’ab’an k’uluyom==
[[Archivo:Nuestro idioma en la escuela - Kaqchikel enseñando.png|right|110px]]
''Voz pasiva''

Re na’oj re’ chupam ri qach’ab’äl nuya’ ruq’ij ri k’uluxel richin ri na’oj nub’ij chupam ri b’anoj.

:<u>Ja ri äk’</u> xchap ruma ri tz’i’.
:<u>Ja ri ak’wal</u> xb’an ri rusamaj ruma rute’.
:<u>Ja ri ala’</u> xch’ay kuma ri rana’.
:<u>Ja ri xtän</u> xq’etëx ruma ri ala’.

==ch’ab’an b’anayom==
''voz antipasiva''

Re na’oj re’ nuya’ ruq’ij ri b’anb’anel chupam ri qach’ab’äl.

:<u>Ja ri ak’wal</u> xqumu richin ri q’or.
:<u>Ja ri ala’</u> xq’eten richin ri xtän.
:<u>Ja ri ch’u’j</u> xch’ayon kan.

==ch’ab’an b’alel==
''voz instrumental.''
Re’ na’oj re’ man kan ta chik nuya’ pa qach’ab’äl kaqchikel. Po k’a k’o na kan ri retal chupam ri tzij.

A Xwan xuchap<u>ab’ej</u> richin ri kej pa b’ey.

Xusama<u>jib’ej</u> ri ulew ri nutata’.

'''Samaj richin ri tijonel:''' 
[[Archivo:Nuestro idioma en la escuela - Kaqchikel enseñando.png|right|110px]]
Tatzijoj, tanuk’u’ chi kiwäch ri tijoxela’, ri ojb’enäq chupam ri qak’aslemal.
Tatzijoj chi ke chi ri oyowal ruya’om pe chi ruwach’ulew ma k’o ta ruk’amon pe ri winäq. Qonojel ri oj k’o chupam ri loq’oläj ruwach’ulew, k’atzinel chi qachib’il qi, k’atzinel chi qach’alal qi’.
Qak’utu’ ri b’anoj utzil, ri ajowab’anem, ri to’onem chi kiwäch. K’o chi nqachüp ruwäch ri itzelal pa qak’u’x, pa qatinamit. Toq xtaya’ rub’ixik ronojel re’, taya’ rusik’ixik richin re tzijonem re’ chi ke.

Pa jun k’ichelaj , ke taq la’ pa jun molomïk juyu’, chi kikojol ri chikopi’, k’ jun utiw ruchapom runa’ojixik atux ta nub’än richin yeb’erutija’ awäj pa tinamït.
Re utiw re’ xutzijoj chi ke ch’aqa’ chik rach’alal ri nuna’ojij. Ri rach’alal ütz xkak’axaj ri rutzij. Ke ri’ xkiya’ chi kiwäch achike q’ij xkeb’ekichapa’ ri äk’, ri patx, ri qo’l. chupam ri juyu’ ri’, k’o jun umül ri xrak’axaj ronojel ri nkina’ojij ri utiwa’. Ke ri’ xb’erutzijoj chi ke ri wakx, ri kej, ri tz’i’, ri äk’, ri qo’l, ri patx chuqa’ chi ke ch’aqa’ chik awäj ri e k’o pa tinamït.

Xa xe k’a ri chikopi’ man xkak’axaj ta, man xkinimaj ta rutzij ri ti umül.
Xulqa’ k’a ri q’ij richin yeb’e pa tinamït chi kichapik ri chikopi’, ri utiwa’. Eqal eqal xejel apo pa tinamït. Nab’ey xejupe’ chunaqaj kiko’k ri äk’, achi’el yeb’a’on tz’i’ xkib’än richin an yetz’etetäj ta.
Ri tz’i’, ri kej, ri wakx, ri äk’, ri patx, konojel yewär, toq xok ri aq’a’, toq ronojel q’equ’m chik, toq konojel ye’uxlan xeq’ax qa chupam ri ko’k, chi jujun, chi jujun xekeleq’aj el ri äk’, ri mama’, ri t’uq.

Pa ruka’n q’ij k’ïy chi ke ri awäj man e k’o ta chik. K’a k’a ri’ xkinimaj rutzij ri ti umül, k’a ri’ yalan xkixib’ij qa ki’. K’a ri’ xkiya’ chi kiwäch atux xtikib’än richin yekoqotaj el ri utiwa’. Ri awäjxech’o rik’in ri tikur richin xkik’utuj utzil chi re: rat tukur, kan ojer chik oj at ato’on pe, ruma ri’ nqak’utuj jun nimaläj utzil chawe wakami, richin xke’anacha ta pe ri utiwa’ toq xkeqa pe, ruma yalan ch’a’oj kib’anom chi qa, xecha’ chi re.

Ke ri’ xkiya’ hi kiwächl. Toq xok pe i aq’a’ xe’ulqa ri utiwa’. Toq ri tikur xerutz’ët chanin xb’ixan pe: kur, kur, kur

Xa xe xkak’axaj rub’ix ri tukur, ri awäj xeb’e’el pe pa taq kisok: ri tz’i’, ri wakx, ri kej pa kikoral; ri patx. Ri äk’, ri mama’ xech’o pe.

Ri karne’l _b’e, b’e, b’e_xecha’. Ri kajaw ri awäj xeto’on chuqa’ richin xekoqotaj el ri utiwa’. Konojel xe’ok pa k’ichelaj, k’oj utiwa’ xesokotäj el.

Ri utiwa’ xyakatäj janila koyowal chuqa’ kimunil ruma man xya’ ta chike richin xekitïj ri awäj. Ja k’a ri umül xrewala’ ri’ pa taq jul richin man nqa ta pa kiq’a’ ri utiwa’.

Chupam ri q’ij ri’ ri utiwa’ xkina’ojij ye’ok saliläj taq chikopi’ richin nïm ch’a’oj xtikib’än. Ja k’a ri awäj xkiya’ chi kiwäch atux xtikib’än richin man yetïj ta.

Konojel ri chikopi’ xesamäj richin man yech’akatäj ta. Xkib’anala’ moloj pa ruwi’ ruchajixik ri kik’aslemal. Chuqa’ xkitäq rutzijol pa ch’aqa’ chik tinamït, pa ch’aqa’ chik koral. Konojel ri awäj, ri chikopi’, xkito’ ki’ chi kiwäch ri utiwa’.

'''Samaj kichin tijoxela’.'''
[[Archivo:Nuestro idioma en la escuela - Kaqchikel hombre y mujer.png|right|105px]]
Tatz’ib’aj ka’i’ oxi’ taq cholaj tzij chi rij ri xawak’axaj kan chi rij ri ti tzijonem. 

Takanoj ronojel ri taq b’ab’ ri nub’ij chi ma tib’an ta samaj, k’ojom chi pa ja ti cholon tzij. 

Takanoj ronojel ri taq qi’ri’il ronojel ri neqa awäch chi rij. Toq xtilitäj ronojel, nab’än jun utzil nakanoj oxi’ rik’in yasamäj rik’in chi nawelesaj ri jotayin tzij chi rij. 

Takanoj oxi’ nimatzij akuchi’ k’ojon wi k’uluyom rik’in oxi’ chuqa’ chi rij b’anayom.

Takanoj ronojel ri taq ruk’ojlemal tzij k’o chupam richolon tzij.

Tatz’ib’aj achike winaqi’ yenatäx chupam ri ti tzijonem.

¿achike nana’ojij ri kan ütz k’o chupam ri tzijonem? Tab’ana’ jun utzil tatz’ib’aj ronojel.

Tajunamisaj ri utziläj na’oj xrïl ri utiw. Chupam rat, ja ri at k’o chupam ri tijob’äl.

Tab’ana’ jun achib’äl richin ri k’isib’äl na’oj xkeb’än ri utiw, rik’in ri umül. Toq xkak’achoj 
natzijoj chuqa’ natz’ib’aj rat ri na’oj xab’än rachib’äl

[[Categoría:Comunicación y Lenguaje]] [[Categoría:Educación Bilingüe]][[Category:Book:Nuestro_idioma_en_la_escuela_-_Kaqchikel]]