Ttx’yan Leẍ

Tqanil

{{{texto}}}

Efraín Amado Rosales Pérez
Jun b’o’tz q’a Leẍ tb’i, tzunxix nlab’te te ttata tu’n ttzaj tlaq’on jun ttx’yan. Pon jun q’ij, a ttata, tzaj tlaq’o’n jun tal netz’ tx’yan ex xi’ to’yin te Leẍ.

Tzaj Leẍ chjonte chi te ttata. Tuk’a toyija we’y, a’tzin tb’i’ ntx’yane’ ok okil nq’ona Me’x.

Ajtzin tex Leẍ b’etil, b’e’xtaq xi’ tiq’in ttx’yan tuk’a. Xi’ jun maj toj ttanam, kyxol txqan xjal lat’j Leẍ ti’j ttx’yan. Xi tzpet ttx’yan kyxol xjal, okten q’alb’ilte kyxol xjal; Me’x, Me’x, Me’x. Mi’na jyet tej Me’x, b’e’x ok b’is tij Leẍ ex b’e’x ajtz tja.

Tej tpon ja, b’e’x xi’ tq’uma’n te ttata qa be’x xi’ naj ttx’yan kyxol xjal.

Tzaj ttata kyjalu’n: Min b’isina q’eye, tzul te Me’x tja. Il ti’j tu’n t-xi qq’olb’it toj xak’, oktzin ten Leẍ tuk’a ttata q’olb’ilte Me’x. Leẍ tuk’a ttata, xi’ tq’olb’en oxe maj: Me’x, Me’x, Me’x. Tej ikyjo cheb’a kanin b’et tej Me’x ja, me ox tzalajx tej Leẍ ti’j Me’x.