Xch’oxnab’il eli
Español | Chuj | Kaqchikel | Q'anjob'al | Tz'utujiil
Ha jun yamk’ab’ tik tz’ak’chaj och-tzajxi och t’a yol hak’ab’ to yetb’eyum sb’a yet’ juntzo’nhxo-juntzanxo Kiti’ t’a yol Kuynub’ sb’i, haton tik Syank’ab’ heb’ kuywajum yet’ heb’ kuywum yaji. Ha junk’aj tik to chanhe’ hu’umal yaji, yik yel yich yet’ chenhe’ ti’al maya b’aj b’onab’il, icha tik: ti’al Tz’utujil, Ch’orti’, Popti’ yet’ Cluj, palta ojb’iwok at a nanholko ti’al maya. Ha juntzan kuywal ay och t’a yo’ol ch’anh, to ha sayb’il elta t’a kal lolonel-paxti’ sk’anlbax a jun jun ti’ b’aj tz’el leyan tik. Jun jun yamk’ab’ tik to yik kuywajum yet’ heb’ kuywum yaji, sek ha stak’ sk’anlb’an heb’ yet’ stzolal skuywal yik ta to snib’ej heb’ skuy yalani ma stz’ib’ani t’a yol kuynub’ ma t’a sb’esanil, yik sb’ab’el ti’al heb’ tz’aj skuyani. Hanhejtona’, ay ochi chajtil skuyxi tzolal koti’, icha juntzan munlajel t’a yib’anh yet’ tastak wach’ sb’o yet’ok sek ixta tz’aj sk’ib’ kiti’ maya yet’ spaxti’al-slolonelal. Jantaknhej juntzan tz’awtaji yet’ munlajel t’a yib’anh koti’ ay och t’a yo’ol tik, to ay ochi sek stak’ sk’anlb’ax yet’ paxti’-lolonel icha pax yet’ tz’ib’, sek stak’ yalan snab’en ma tas sna’ a yib’anh junok tas yet’ spaxti’- slolonel ma yet’ stz’ib’ junok anima t’a junokxo mach.
Wake’ makanh yaj sb’o’i. Tz’el yich jun jun makanh yet’ junpak’ aj ay tas snib’b’en mu tas tzelk’och sb’o’i yet’ jun jun munlajel yalnab’il sb’o’ a jun jun makanh. Niwan tas wach’ yawtaji-yawtxi ay ochi yet’ niwan pax smunlajelal wach’ sk’anxi-sk’anji yet’ akuyxi chajtil snachaj el tas tz’awtaj t’a koti’ yet’ sek ixta tz’aj skuyxi chajtil skanlab’aj jun jun ti’al.
Tz’alji-tzalxi a jun jun makanh, munlajel yik ta to jun jun nhej mach tzmulaji yet’ pax yik molan tz’aj munlajel. Haton a junk’aj slajub’ tik b’aj stak’ slokchaj kuywajum yet’ heb’ kuywum yik niwan molanil ma kotak molanil yet’ nanholkxo heb’ kuywum.
Ir a las versiones por idioma