Busca en cnbGuatemala con Google
2856 bytes añadidos
, hace 6 años
{{Cuentos en familia - largo
|título=Ri awajib’ xuquje ́ri k’iche’laj
|tamaño1=400px
|tamaño2=400px
|tamaño3=400px
|tamaño4=400px
|tamaño5=400px
|texto1=Jumul kanoq, k’o jun achi ajtinmit.
K’o jun q’ij b’ajchi’ xwa’lijik xareqaj b’i ri uchim xuquje’ ri ch’ich’ uchakub’al k’ate k’uri’ xumaj b’i ri ub’e kb’e pa ri k’iche’laj rech uqasaxik ché.
Pa ri ub’e xe’ril ri awaj che e warinaq na. Ri kuk xuquje’ ri chikop k’o kixik’ kerapanik e warinaq pa uwi’ taq ri che’, ri imul e k’o pa ri kijul ri utiw xuquje’ ri koj xuquje’ e k’o na pa ri jul.
Ri achi xutzij ri ch’ich’ uchakub’al rrrrrr xuram ri che’ pa e k’o wi ri kuk. Ri che’ xtzaq chi uwach ri ulew, ri e kuk xexik’pan pa jun che’ chik
|texto2=Ri achi xuram jun che’ chik “rrrrrrrr” are pa e k’o wi ri chikop kerapanik, are chi’ xtzaqik ri e meb’a’ taq chikop k’o kixik’ xerapan pa uwi’ jun che’ chik.
Xqaj jun, xqaj chi jun k’ate k’uri’ “rrrrrrrr” sib’alaj che’ xeqajik.
Naj keta’taj wi lo ri awaj tajan ke’oq’ik rumal man k’o ta chi kachoch.
Ri kuk xuquje’ ri chikop kerapanik aninaq xeb’e pa kijul ri koj. Ri nik’aj taq awaj chik xuquje’ xikimulij kib’.
|texto3=Konojel kakitzijoj rij ri tajan kak’ulmataj kuk’ ri che’.
Ri koj nim reqele’n xutatab’ej ronojel ri ub’anik rutzil ri jun k’exk’ol.
Ri utiw are’ kkib’ij kekitija ri achi. Konojel kkib’ij nooooo.
Ri kuk kkib’ij “k’ol wi chila’ man k’o ta jun kkowin ruk’ ri achi”.
Ri chikop k’o kixik’ kerapnik kkib’ij, are utz konojel kkitzukuj jun k’ak’ kachoch.
K’o jun laj tix xuyik laj utza’m k’ate k’uri’ xub’ij “ In kinb’ij are utz keb’an tz’ib’ kub’ij ¡ Man ya’tal taj keqasax che’”.
Konojel ri awaj xikitze’j uno’jib’al ri laj Tix.
|texto4=Ri koj nim reqele’n xub’ij “sib’alaj je’l ri ano’jibal laj Tix”.
Jeri’ xikib’ano.
Konojel ri laj taq awaj xetob’an che utz’ib’axik jun nim wuj kub’ij chi uwach “ Man ya’tal taj keqasax che’” “Ri che’
k’o kik’aslemal” xuquje’ “We kqasax che’ katik k’i uk’axel”.
Xakikoj ri wuj pa ronojel ri k’iche’laj.
Are chi’ ri achi xusik’ij uwach ri wuj, xuch’ob’ ub’e che tajin kub’an k’ax che ri uwachulew.
|texto5=Rumal ri’ xa xxuki’k xuta toq’ob’ che ri uwachulew rumal ri k’ax xub’ano.
Xatzalij pa ri rachoch, para ri jun q’ij chik xutik sib’alaj taq che’.
Konojel ri awajib’ rech ri k’iche’laj xeki’kotik rumal ri xekowin che uch’akik.
Chanim ki’kotem k’aslemal k’o chi kech che uchajixik ri k’iche’laj, xa rumal kachoch konojel.
|autor=Yaneli María Ajpacajá Ajpacajá (ujunab’: julajuj Tijob’al), rech: Paraje Chuicaxtun
|ISBN=978-9929-743-14-4
}}