Jun tal k’wal tuk’e ttx’yan

Nivel: 3

Chitzun qa jun maj, attoq jun tal k’wal B’alin tb’i; attoq jun ttx’yan Sb’u’y tb’i. Tzinxi’x tzalaj te k’wal ti’j ttx’yan, tkyaqil q’ij in xi’ tq’o’n twa, in chi ex b’etil toj k’ul, ex nimx nb’ant kyu’n. Jun q’ij, tej t-xi’te B’alin toj jaxnaq’tzb’il, kyej tka’win ttx’yan ex xi’ tq’uma’n te: -ax tenku ntx’yan, ma chinxe xnaq’tzal, oktzun wule ok qo saqchal -. Kyej tentzun te tx’yan. Noqtzun aju, ipon txqantl tx’yan tuk’il Sb’u’y, in chi b’aj b’et txqan tx’yan, tzajtzun Sb’u’y iky’ lape kyi’j. Tejtzun tmeltz’uj B’alin toj jaxnaq’tzb’il, in yon tu’n tetz Sb’u’y tzalajb’ile ti’j, qu’n tkyeqil q’ij intaq tetz Sb’u’y k’lulte. Tejtzun t-xi’ tka’yin, mya’lx te Sb’u’y. Jawtzun b’isin B’alin, xi’ tqani’n kye tnam, kye ttzik, ex kye kyaqil xjal. Ex jyolte ttx’yan, b’aj ok tlak’b’an u’j ja’ tumel ata’ tilb’ilal Sb’u’y. Tejtzun t-xi’ tka’yin, lute Sb’u’y ntzalajko ti’j. Noq iky’ lape te Sb’u’y b’etil jun kmuj kyuk’il t-xb’oj.

Código: N33M16

Legibilidad: