Antología de cuentos/Cuentos en k'iche'/Keb’ ajyuq’ab’

K’ulmatajem tzij

K'o jumul keb’ alab’om, ek’o job’ kichij, xkichomaj kebe’ pa yuq’. Are xe’opan chi uchi’ ri juyub’, xkilo chi man qas ta k’o q’ayes. Xeb’in chi na jub’iq chik, xeb’inik, xeb’inik. K’a te xkilo ek’o jujun choma’q taq che’ sib’alaj, je’l kimujal, xuquje’ k’o jun nimalaj b’inel ja’, jun nim uwosaq. Sib’alaj je’l xkilo xekitzoqopij ri kichij chila’.

Le job’ chij sib’alaj xewa’ik cho le uwosaq, xb’antajik chi xkik’yaq kan le kimes pa taq le che’ pa le uwosaq. Xkib’an k’ax che le uwosaq rumal man utz ta chi kakayik. Are taq xya’ ub’ixik chike ri ajwab’ chi xetz’ilob’isax ri uwosaq. Xesik’ixik, k’ate k’uri’ xeyajik, xuquje’ xetaq b’i che usik’ik le mes.

Rumal ri’ are utz man xaq taj jawje’ kaqak’yaq le mes kaqatzukuj uk’olib’al.

Rocita Lima Puac Yac
Cantel, Quetzaltenango