Antología de cuentos/Cuentos en mam/Tqanil tu’n xew

B’ib’il

Chitzun qa jun maj, toj jun jaxjal atitaq jun q’a; prim njawe’. A tzun q’a, tnejel onin tuk’il tata, aj tb’int taq’un matzun txi’ toj jaxnaq’tzb’il.

Atzun jun maj tej tjawe’ xi iqal si toj k’ul. Atzunj tej tjawe’ ttxu, xi tb’in jun Xew, intaq oq’ twi’ pe’n ex chi kyjalu: Xew, xew. A ttxu q’a, majx jaw xo’b’. Aju pich’ lu, q’umal tpakb’al qa ati' jun ti’xti ok tzul kanin toj chwinqlal. O’kx tkub’ meje yolil tuk’il Qajawil ex xi’ kyoqxnenin kyib’. Atzun tej tajtz q’a tuky’il tsi. Intaq b’et tej tetz jun tx’yan ti’j, ex majx el tzaq tsi.

O’kx tetz tajaw tx’yan ka’yilte q’a, oxix tz’oq’ q’a ex oxix b’aj xob’. Ok tx’a’n, xi’tzuntz tja. Atzun tej tpon, xi’ tq’uma’n te ttxu ti’ xb’ajte ex xi’ q’uqsan tk’u'j ex ok q’anin. Ul kanin toj twi’ txub’aj qa ataq tqanilju pon xew q’umalte. Atzun jalo in xi oksla’n xew qu’n in q’on tqanil.

Efraín Amado Rosales Pérez
San Juan Ostuncalco, Quetzaltenango