Nuestro idioma en la escuela/Presentación/Q'anjob'al

Español | Ch'orti' | Chuj | Popti' | Kaqchikel | Q'anjob'al | Q'eqchi' | Tz'utujiil

Ha’ tx’an mitx’q’ab’ un ti’ stz’aq tx’an sb’a yetoq juntzanxa un chi yiq Koti’ b’ay Yatutal Kuyuj: Smitx’q’ab’ heb’ maxhtol k’al heb’ kuywom. Jun maqan un ti’ max el yich yetoq kaneb’ un tz’ib’eb’il yayji ok yin kaneb’ ti’ej maya’ chi yiq Tz’utujil, Ch’orti’, Popti’ k’al Chuj kax k’ojan k’ulal k’al hoq watx’joq yin juntzanxa ti’ej. Ha’ tzet yib’an chi tz’ib’lay juntzan un ti’ ha’ ton yin tzet max elteq yuj jun kuyuj yib’an q’anej k’al juntzanoqxab’eyb’alej, kax watx’wal ta chi eltoq sxol anima yul juntzan unti’. Jun jun juntzan un ti’ tuton tx’oqtx’oq yok heb’ kax chi yal heb’ tzet mulnajilal chi watx’ji yib’an ti’ej yuj heb’ maxhtol ma heb’ kuywom b’ay yatutal kuyuj yin b’ab’el ab’il hatak’al yin waqeb’ ab’il kuyuj b’ay chi kuylay sb’ab’el ti’ej heb’ kuywom tu’.

Jun un ti’ chi kolwaj jab’oq yin mulnajil chi ok yul ma yin yatutal kuyoj tu’ haxka yin q’anejal k’al yin tz’ib’. Yetoq k’apax jun un ti’ chi uj k’apax yok kuyuj yib’an stxolil ti’ej k’al jantaq mulnajil chi uj yok yin kaytu’ chi yun yok yip ti’ej maya’. Jantaq tzet chi illaq ajoq k’al mulnajil chi allay yul tx’an un ti’ tuton tol max nalay tzet chi yun sq’anlay q’anej k’al tz’ib’ kax chi uj yallay el nab’alej ma q’anej, kax chi ochelayi tol ha’ heb’ maxhtol k’al heb’ kuywom chi el snab’al heb’ yin tzet chi yab’ej ma tzet tz’ib’ yayji yin sti’.

Jun un ti’ waqeb’ maqan yayji. Jun jun maqan chi el yich yib’ant zet chi ochelay chi kuylayi ma tzet yin chi jelay el kuywom. Tx’yal wal tzet chi illay aj yul jun jun maqanil k’al tzet mulnajilal yet chi ok jelanil yin sq’anlay ti’ej maya’ kax tol ay tzet chi yun sq’anlay ti’ej. Yin jun jun maqan kuyuj tuton ay mulnajil chi ok yin junjunal ma yin mochanil. Yin mochanil tu’ tuton tol wal watx’ chi yunej ta tol chi ok heb’ maxhtol k’al heb’ kuywom yin kax chi uj yin yalixhtaq ma mimeq mochanil. Ocheb’il xin tol wal hoq uj skolwal jun un ti’ yin smulnajil heb’ maxhtol k’al yin smulnajil heb’ kuywom kax watx’oqab’ chi elok jun mitx’q’ab’ej ti’ yin ti’ej chi kuylayi yin yetoq mimeq tzalojk’ulal.

Ir a las versiones por idioma

Ch'orti'

Chuj

Popti'

Kaqchikel

Q'anjob'al

Q'eqchi'

Tz'utujiil

    < Nuestro idioma en la escuela