Nan Yan
(Página creada con «{{Antología de cuentos II |idioma=mam |tipo=Tqanil |tamaño=30px |autor=Edwin Porfirio Aguilar Tomás |lugar=Concepción Tutuapa, San Marcos |audio=http://www.usaidlea.org...») |
(Sin diferencias)
|
Revisión del 04:10 30 may 2019
![Antología de cuentos II - identificador en mam.jpg](/images/thumb/1/12/Antolog%C3%ADa_de_cuentos_II_-_identificador_en_mam.jpg/75px-Antolog%C3%ADa_de_cuentos_II_-_identificador_en_mam.jpg)
Atzun jun maj, attaq jun qnan nimxix toklen, Yan tb’i’. Najli tzmax ttzi a’ te kojb’il B’eljojyab’ tb’i. Nanq’intaq kyuk’il titz’in. Jun maj, xi’ toj tkojon. Xi’ lajol ch’el. Attaqtzan t-xol kjo’n tej tel kanet tu’n jun xjal. Sle’wtaq tmo’l tjax toj twi’. Xwan tb’i xjal. Njawjko saky’paj nan. Mojxla xi iqin tanmi tu’n Xwan. Tu’n tlaj lu, mixti’ taj tu’n tajtz kyuk’e titz’in. Tojxi juntl q’ij i xi’ titz’in jayolte. Tej kypon xi’ kyka’yin nan Liy, pak’litaq t-xol kjo’n. Tzajtzan nan Yan. Xi’ tq’uma’n kye titz’in tu’n tpon Xwan iq’ilte.
Te tmij aq’b’il, kytzajtzan titz’in, kub’ kyk’alo’n kytzik. Nkub’ku kytxaqo’n nim tzaj. Kyil tej tpon Xwan iq’ilte nan Yan. Atzan Xwan, pon ik tza’n txqan kyq’iq’. Mojx kub’ yupj jni’ tzaj iq’in kyu’n. Tej t-xi’ kyka’yin, tz’intaqtil nan Yan. Otaq txi’ tiqin Xwan.
Tojxi’ jun xjaw tjaw kanet Liy. T’ulu’n jun tzeky’ tu’n tej tpon. Tzaj q’uma’n te tun t-xi’ q’olte tzeky’ twi’ jun witz. Xi’tzan q’olte. Te tmij ab’q’i, xi’tzan kyka’yin, naq jun xyub’ pwaq tkyajtaq. B’i’x tzaj tq’ama’n Xwan te Liy. Min kux tka’yina ti’ tku’x toj xyub’ -chi-. Noq aju, tzaj tya’ Yan, ku’x tlaqen xyub’ ex b’i’x kub’naj. Tej t-xi’ kyka’yin, ex ikyx nan Yan otaq kub’ naj. B’aj lu tu’n tpaj mi’n xi’ kyb’i’n tyol Xwan.
Concepción Tutuapa, San Marcos
![Antología de cuentos - cintillo II.jpg](/images/thumb/7/7d/Antolog%C3%ADa_de_cuentos_-_cintillo_II.jpg/650px-Antolog%C3%ADa_de_cuentos_-_cintillo_II.jpg)