Tx’ixpub’il wi’xin
< Antología de cuentos | Cuentos en mam II
Ir a la navegación
Ir a la búsqueda
Revisión del 03:49 30 may 2019 de Carlos Mulul (discusión | contribs.) (Página creada con «{{Antología de cuentos II |idioma=mam |tipo=B'ib'il |tamaño=30px |autor= |lugar= |audio=http://www.usaidlea.org/images/PENDIENTE.MP3 |texto=Tkyaqil ab’q’i n-el b’ec...»)
Busca en cnbGuatemala con Google
B'ib'il
Tkyaqil ab’q’i n-el b’ech tuj tnam te Xjan Xwan. N-el te junlaj xjaw ok ttzaj jwe’ te prim. Kykyaqil xjal nchi tzaj b’il tuj tnam. Ok kyul b’aj tnam, ntzajtzan tat wi’xin. Njaw tsch’i’n kyb’i ak’aj salal mo wi’xin kywitz tnam. Oktzan tjaw b’aj kyb’i, nchi aj meltz’aj xjal kyja. Nxi’ tat, xtol tb’i, tuk’il kab’ mayor. Ex nche’x txqantl aljil[1] xjal tuk’il q’olte b’ech. Nche’x tzmax tja tat ak’aj wi’xin.
Ojtzan kypon xjal q’ol b’ech tja tat. Aju tat otaq kyej te ak’aj salal mo wi’xin. In ok tq’o’ntzan tat xtol tb’ech twi’ tlamelja. Nxi’ tq’uman alkye wi’xin otaq kyej tat te t-xel. Oktzan tpon b’aj twi’ te chiky’q’ij[2].Npontzan tat xtol max tja. Nxi’ tq’on kywa kykyaqil xjal aqej otaq che’x aj tuk’il.
