K’lel rit
Ir a la navegación
Ir a la búsqueda
Busca en cnbGuatemala con Google
![Antología de cuentos II - identificador en mam.jpg](/images/thumb/1/12/Antolog%C3%ADa_de_cuentos_II_-_identificador_en_mam.jpg/75px-Antolog%C3%ADa_de_cuentos_II_-_identificador_en_mam.jpg)
Tqanil
Chitzan qa jun maj. Kub’ tyolin jun ta’ẍ. Ojtxi, in che’xtaq k’lel ti’j kyrit tuk’il tchman qlixjexix[1].
Tej kypon toj kojb’il, nimxix txkup in chi b’aj oq’.
In chi oq’ xo’j, xew, q’a’njin ex wech. Tzunxix in chi tzalaj ti’j kychwinqlal.
Tej tpon amb’il qaq te qale, ok ten jun xew oq’il.
Mixti’ qen tu’n toq’ tej tb’inte ta’ẍ. B’e’x ok b’is ti’j tanmi.Kub’ t-ximin qa ch’inxtaq tul kanin jun il toj tchwinqlal. B’e’x ajtz kyi’n kyib’ tu’n kypon kanin kyja.
Ok kyka’yin mixti’taq jun kyrit. Kub’ kyajla’n ila’ maj, noq aju otaq kub’ naj.
Ex joyb’aj, tej kylonte, kyimnitil ex ch’ixtaq tb’aj tu’n xo’j.
Kub’ t-ximin ta’ẍ: Ilxix ti’j tu’n qul kanin ojqel qja.
Mya’ b’a’n tu’n yaj nqo kanin qja. Qa ojqel ma qo pon qja mlay tz’ok il qi’j.
Benigno Telésforo Coronado Crisóstomo
Comitancillo, San Marcos
Comitancillo, San Marcos
![Antología de cuentos - cintillo II.jpg](/images/thumb/7/7d/Antolog%C3%ADa_de_cuentos_-_cintillo_II.jpg/650px-Antolog%C3%ADa_de_cuentos_-_cintillo_II.jpg)
- ↑ Aju yol lu ax tz’elpuna: primxix.