nuke, Administradores
30 170
ediciones
Cambios
Busca en cnbGuatemala con Google
Nuestro idioma en la escuela/Ch'orti'/Expresión oral (editar)
Revisión del 20:22 27 oct 2017
, hace 7 añossin resumen de edición
[[Archivo:Nuestro idioma en la escuela - Ch'orti' p (1).png|center|400px]]
[[Archivo:Nuestro idioma en la escuela - Ch'orti' p (13).png|center|400px]]
<div style="color:#000; border:solid 2px #000; width:80%; margin:2em auto 2em auto;">
==Ub’ijnusyaj e kanwa’r ira ja’x:==
-------
#E maxtak uch’ami yi uch’ijse ub’ijnusyaj tama xe’ uyub’i. Una’ta tuk’a war akansenpa tama uyojroner.
#E maxtak uch’ami yi uch’jse uyojronerob’ tya’ ja’xirob’ ojronerob’. Una’ta tuk’a tuk’a twa’ uk’ajti tama uyojronerob’ tama inte inb’utzir.</div>
[[Archivo:Nuestro idioma en la escuela - Ch'orti' enseñando.png|right|90px]]
==K’AJTSYAJIR OJRONER==
===1.1 OJRONEROB’===
Ne’t ajkanseyajet inb’utz twa’ awirse e ajkanwa’rob’ kochwa’ twa’ uk’anpesob’ uyojronerob’ tama en kanseyaj xe’ war ache takarob’. Tama e numerob’ yi e na’tanyaj xe ukanse e maxtak.
Twa’ e ajkanwa’r ukay uk’ajyes ub’a, tama ukanwa’r e ojroner Ch’orti’, k’ani twa’ ak’anpes me’yra e ojroner takarob’.
Ajk’in ajk’in, twa’ ak’ajti e numerob’, e k’ajtsaj takarob’, nakpat twa’ awa’re ab’ijnusyaj tama xe’ ak’ajti takarob’, uyub’i ak’ajti e bik’it numer taka e maxtak xe’ akay ak’ajna ti morwa’r.
[[Archivo:Nuestro idioma en la escuela - Ch'orti' leyendo.png|left|90px]]
Jay ne’t ajkanwa’ret k’ani twa’ ach’ami taka inte’ inb’utzir e ojroner Ch’orti’ twa’ maja’x intran atajwi.
Uk’ani twa’ akay awejtz’u tuno’r xe’ ajkanseyaj war ukansye’t twa’ ma’chi anajpa ta jor, inb’utz twa’ apejka apya’rob’ tama e ojroner Ch’orti’.
Ma’chi twa’ isub’ajra tama awojroner xe’ ana’ta, pejk pejk twa’ ache apya’rob’ ti’ktaka b’an kochwa’ yaja’ ne’t war acheksu ab’a tama upater ana’tanyaj.
Tama e jun ira ayan ayan kora tz’ijb’ayaj xe’ a’xin utakrye’t tama apatna’r xe’ taka e ajkanwa’rob’, b’ijnub’ir twa’ e maxtak ak’otoy una’tob’ kochwa’ akay upejkob’ ub’ob’ tama uyojronerob’.
Jay no’n k’ani katuran taka me’yra inb’utzir tama kab’ixirar inb’utz twa’ kakani me’yra na’tanyaj xe’ ukansyo’n kochwa’ twa’ katuran tama ujor e rum ira.
[[Archivo:Nuestro idioma en la escuela - Ch'orti' p (14).png|right|200px]]
K’ani twa’ kak’ub’se yi kankanse tuno’r xe’ uyakta e onya’n pak’ab’ob’ takaron, b’an kochwa’ kawojroner, e tz’akoner, e wya’r, e niroj, yi tuno’r xe’ aka’y uyajk’o’n kab’ixirar.
Tar ixto; jay no’n ma’chi ko’yb’i tuno’r e inb’utzir xe’ ka’rena ma’taka cheker tu’t e morj pak’ab’ob’.
Yi twa’ ma’chi anumuy uk’ani twa’ kach’ami tuno’r e ojroner xe’ inb’utz twa’ kana’tanyaj ach’i’ yi ob’na kache tuno’rxix xe’ ka’rena, tama e otot, e kanwa’r, yi inmojrach turerob’ tama e patna’r xe’ ka’xin kache.
E kanseyaj xe’ twa’ ache’npa erer uk’ani, twa’ kab’ijnu jay a’xin ak’anpa tama ub’ixirarob’e ajkanwa’ron’.
Tuno’r kanseyaj xe’ ache’npa uk’ani b’ijnub’ir tama uch’yerir tuno’r e pak’ab’ob’.
[[Archivo:Nuestro idioma en la escuela - Ch'orti' p (15).png|center|350px]]
[[Archivo:Nuestro idioma en la escuela - Ch'orti' leyendo.png|left|90px]]
'''Inpatna taka nipya’rob’'''
Kak’ajti’k taka inte’ erachir e me’yn ira:
[[Archivo:Nuestro idioma en la escuela - Ch'orti' p (16).png|right|150px]]
'''Inpatna nib’ajner:'''
'''Nakpat xe’ inch’ujku e me’ynob’, inwaru’t e ub’syaj irob’.'''
*¿Tuk’a war uchyob’ e tata’b’irob’ taka umaxtak?
*¿Tuk’a war uche e ajkanseyaj ixik?
*¿Jay kojt ijch’okta achekta tama e me’yn?
*¿Jay kojt tejromtak ayan tama e me’yn?
*¿Chi utareson te ototir kanseyaj e b’ajxan ajk’in
[[Archivo:Nuestro idioma en la escuela - Ch'orti' leyendo.png|left|90px]]
'''Taka e ajkanseyaj:'''
'''Kochwa’ twa’ kojron taka e pya’rob’'''
*Inb’utz sakojpa’r
*Inb’utz ajk’in pya’re’t.
*Inb’utz ch’uyujk’in
*Inb’utz akb’ar
*Inb’utz orajk’in
*Tuk’a uk’ajti ayuxinar
*Kochwa’ ak’ab’a’
*Tya’ ture’t
*Jirye’n kora
*Ak’ani ka inte’ ruch ja’
*Tuk’a axanb’ar tara
*War ka ikano
*Kone’r ka’xin kaxana
*K’ani ka ipatna
*Chi takar ipatna
*Inpatna taka nitata’
*Wati’x e ajkanseyaj twa’ ukansyo’n.
*Ayan me’yra ub’ijnusyaj e ajkanseyaj.
*Nik’ojna’ uyajk’e’n inte’ ruch sa’.
*War uk’aye’n e ixik yaja’.
[[Archivo:Nuestro idioma en la escuela - Ch'orti' casa.png|left|90px]]
'''Inpatna ta nyo’tot:'''
Kab’inwi’k yi katz’ijb’i’k mojr ojronerob’ xe’ tya’ ukansyo’n kochwa’ twa’ kojron inbutz taka e pak’ab’ tya’ turo’n.
Uyub’i o’yb’i taka atata’, atu’, anoyob’, amamob’, Ejk’ar awirse taka e ajkanseyaj.
'''Komon taka e ajkanseyaj:'''
Kak’ajti taka e ajkanseyaj twa’ upejka e k’ajtsaj ira.
[[Archivo:Nuestro idioma en la escuela - Ch'orti' p (18).png|right|150px]]
'''E K’ECH’UJ'''
Ayan a’yi tama inyajr inkojt winik che, ixin a’yi ta chinam, yo’pa a’yi tya’ wa’r inte’ murak. Cheke’; tya’ yo’pa a’yi, uwira kochwa’ uwilama ulok’se a’yi ub’a yi ma’ja’x a’yi; maynu’t k’ejch’a i’xin makwi’r e tun, tya’ b’ixk’u’t cha’yi e winik, maja’x ajchi nyo’tot tara cha’yi; k’ani twa’ inxin cha’ yi, tya’ uwira makwi’r e tun k’ejch’a o’choy. Lok’oy a’yi a’jni I’xin, tya’ lok’oy a’jni k’a’pa a’yi kukrema ta iwojr tun ja’xach taka.
[[Archivo:Nuestro idioma en la escuela - Ch'orti' escribiendo.png|left|80px]]
'''Inpatna nib’ajner:'''
Inturan inb’ijnu yi ink’ajti taka niwojroner tuk’a tuk’a numuy tama e numer ira:
'''Kapejka ub’an e k’ajtsaj ira:'''
'''E kanwa’r'''
Tarye’n ta kanwa’r Intza’y turen Tama xe’ ina’ta ke’ Inxin inkano inb’utzir ta nib’ixirar.
Ajk’in ajk’in twa’ wate’n, Intares yar nijun Twa’ intz’ijb’a tamar Tya’ inxin ta nyo’tot
Inwirse nitata’ b’an yar nitu’ Tya’ ne’n wate’n ta kanwa’r nitu’ yi nitata’
atza’y aketpob’ tama e otot war ub’ijnwob’ xe’ ne’n inxin inkano twa’ inch’i’ inb’utz
M. Alicia Ramírez
[[Archivo:Nuestro idioma en la escuela - Ch'orti' p (19).png|center|150px]]
1.2 UB’IN TAKA INTE’ JAMB’YA’RIR E K’AJTSAJ XE’ AKAY ACHE’NPA.
Escucha con atención. Normas básicas.
Tara e ajkanseyaj uk’ani twa’ uyajk’u jamb’ya’r e ojronerob’ twa’ e ajkanwa’rob’ una’tob’ tuk’a twa’ ache’npa tama uyototir e kanwa’r yi tama e b’ixirarob’.
Ch’ami’k e ojroner xe’ ajkanseyaj uyajk’o’x twa’ i’xna’ta tuk’a twa’ iche o ache’npa tama e kanwa’r yi tama ib’ixirar.
Jay ayan, tuk’a ma’chi ketpa inb’utz tijor, k’ani twa’ usutpa iyub’i taka e ajkanseyaj, twa’ erer alok’oy xe’ no’x k’ani iche ta inte’ apatna’r.