Ri imul rachi’l le xik

Ub’antajik tzij

K'o jun mul jun imul xk’istaj uk’u’x rumal che xaq tajin wi, xaq xu’ cho taq uwach saq kpixk’an wi, k’o jun q’ij xuchomaj rumal che xril apan jun xik, sib’alaj naj karapap chikaj.

Xusik’ij apanoq xub’ij che: –xik, sib’alaj utz ak’aslemal, rumal chi k’a ajsik katropop wi. Ri xik xub’ij: –ma katb’ison taj, kuya’ katink’am b’ik wuk’ ajsik xaq xuwi chinakayej cho waqan. Ri imul xub’ij: –maltyox chawe, we kab’an ri toq’ob’, chakuyu’ kinka’y apan jutz’it ajsik, xcha’ ri imul. Xk’am ri imul ajsik, are taq xka’y uloq chikaj, sutut uwach, xtzaq uloq rumal.

Pixab’ri kak’ut chaqe: man xaq ta urayixik jun jasach ri man taqal ta chaqe, chujmaltyoxinoq jas le qab’antajik.

Manuel Hernández Pocol
Cantel, Quetzaltenango