Xi’ knol tu’n xwilis
Chitzan qa jun maj, toj jun pintze[1].El kanet jun pich’,knol tb’i, tu’n nana Xq’uq’. Oxix tzalaj nana ti’j, b’e’x xi tiq’in tja. Xi t-xnaq’tzan tu’n tb’ant tyolin. Cheb’a b’ant tyolin knol toj qyol.
Tej tb’et q’ij, b’ant tyolin ex b’ant tb’itzan knol. B’e’x ok naq’et kyi’j i’lẍ [2].Junxtaq nchi wa’n twi’ pe’n.
Jun maj, attaq jun xwilis npurin twi’ tze. Nimtaq wa’yaj ti’j. Cheb’a tzaj tka’yin jun b’yuj i’lẍ, nchi wa’n twi’ pe’n. B’e’x tzaj puri’n xwilis iq’il jun tchi’ i’lẍ. A knol tzyet tu’n xwilis.
B’e’x jaw b’isin nana Xq’uq’ ti’j knol. O’kx t-xi jku’n tu’n xwilis.
Kub’ tb’isin nana tze’n tu’n ttzaqpaj knol toj t-xky’aq xwilis. B’e’xtzan xi t- ch’in nana kyjalu: -knoool knoool, tx’anka tqan-. B’e’x ok ttx’a’n knol tqan xwilis. B’e’x tzaqpaj toj t-xky’aq xwilis.
Oxix tzalaj knol tej ttzaqpaj. B’e’x kub’ tb’isin xwilis. Nim toklen qchwinqel aj qa b’a’n qo yolin toj qyol.
Comitancillo, San Marcos
