Ri ja’ rech Chikob’ix

Archivo:Antología de cuentos II - identificador en k'iche' - horizontal.png

K’ulmatajem tzij

Ktzijox kan ojer chi k’o jun k’olb’al ub’i’ Chikob’ix rech Q’ante’l. Jela’ k’o ja’ sib’alaj k’atan, rumal la’ xb’an jalajoj taq atinib’al chila’. Sib’alaj ojer kan la’, je’l le ja’ k’o chila’. Jalajoj taq winaq ke’opan che atinem pa Chikob’ix.

K’o jun q’ij, xyak taq ja rech atinib’al. Ri ajyakal ja xkiriq jun kumatz sib’alaj nim, xkixi’j kib’ che. Xkichomaj chi wene’ kuti’o, xane’ maj xub’an chike, xaq xq’atenik chikixukut.

Kkib’ij le tata’ib’ chi utz man xkikamisaj ta le kumatz. Rumal chi are unawal le ja’. Kmik, wene’ e k’o winaq kikamisam awajib’ chi uxukut le k’atan ja’. Kmik no’jimal tajin kk’is le ja’, xuquje’ le uk’atanal. Kmik, xa jub’iq’ chik le uk’atanal le ja’.

Nataj b’a chaqe ri k’ib’im kan ri qatit qamam. Man utz taj kekamisax le kumatz are xa uk'ux le k’atan ja’. Le ajyakal ja, are man xkikamisaj taj le kumatz xq’aten chikixukut. Wene’ jampa’ ktzalij uloq le uk’atanal le loq’alaj ja’.

Olga Martina Juárez García
Cantel, Quetzaltenango.