¡Le qati’t ik’!

Archivo:Antología de cuentos II - identificador en k'iche' - horizontal.png

Ub’antajik tzij

Are ktunan le qatit ik’, le qatat qanan kkib’ij: ¡Kkam le qati’t ik’!, ¡Kkam le qati’t ik’! ¡Kkam le qati’t ik’! Are je wa’ kkiraqaqej kichi’ ri qati’t qamam, are taq kkam le qati’t ik’. Kujtaq che usalab’isaxik, uq’osixik jalajoj taq ch’ich’, rech uk’asuxik ri qati’t ik’.

¿Jas che je wa’ kqab’ano? Rech man kkam ta ri qati’t ik’. Kqachomaj ¿Jas kk’ulmatajik we kkam ri qati’t ik’?

Nim k’axk’olil kk’ulmatajik. Kekam ri ne’ab’ ri k’ate keb’ oxib’ kik’il xuquje’ le keb’ oxib’ kijunab’.

Rumal b’a wa’ are taq kqilo chi kkam le qati’t ik’, rajawaxik kqab’ij: ¡Man kkam ta la qati’t ik’! man kkam ta la qati’t ik’. Xuquje’ usalab’isaxik on uq’osixik jalajoj taq uwach ch’ich’.

Carlos Eliseo García Talé
Totonicapán, Totonicapán