Ir a la navegación
Ir a la búsqueda
Busca en cnbGuatemala con Google
2833 bytes añadidos
, hace 6 años
{{Cuentos en familia - largo
|título=Qe Txkup ex Pintze
|tamaño1=400px
|tamaño2=400px
|tamaño3=400px
|tamaño4=400px
|tamaño5=400px
|texto1=B’a’j jun maj, attaq jun ichan najlitaq toj tnam.
Jun q’ij jaw weks qnuminx, jaw tiqin tpa ex ttx’emb’iltze.
Ex b’e’x xi’ toj Pintze tx’emil tze.
Toj b’e nim txkup tlonte xjal tzunxtaq nchi ktantaq.
Aqe ku’k exqe pich’ tzunxtaq chi ktan toj kywi’ tze.
Aqe kye xiky ate’taq toj kyjul, aqe kye koj ex b’alam ex ate’taq toj kyjul.
|texto2=A tej xjal b’e’x jaw ttxaqo’n tx’emb’iltze ex “rrrrrrrrrrr” b’e’x jaw ttx’emin xjal tze ja tayataq kyja ku’k.
A tej tze b’e’x kub’ tz’aq twitz Tx’otx’ ex aqe ku’k b’e’x i iky’x lipin toj twi’ juntl tze.
A tej xjal jaw ttx’emin juntl tze “rrrrrrrr”a ja tayataq kyja pich’ ex b’e’x jaw, aqe tal pich’ b’e’xi xi purrintoj twi’ juntl tze.
Jaw tenjil tze, jaw juntl ex rrrrrrrrrrrrrrr ex b’e’x jaw txqantl tze’
|texto3=Najchaq, ojq’oj kyoq’ txkup tu’n otaq tzyet tyuch’aqjtz kyja.
Aqe ku’k exqe pich’ nim nchi ojqelin toj kyja b’alam.
Ex ikyx kye txqantl txkup ok kyjunin kyib’. Kyaqil i b’aj yolin ti’j nb’aj kyi’j tze.
Ajo Nejenel koj kub’ tb’i’n kyyol tuk’il tu’n tkub’ naj il kyxol.
Aqe xo’j kub’ kyq’uma’n tu’n kyxi cho’lte xjal.
Ex kyaqil q’umante mina.
Aqe ku’k kub’ kyq’uma’n: tenkux, miti’ jakub’ tz’oksin tuk’il xjal.
Aqe txkup b’a’n chi purrin kub’ kuq’uma’n tu’n tkanet juntl kynajb’il.
|texto4=Me jun tal netz’ xtunitxa’n jaw ti’n ttxa’n ex kub’ tq’uma’n: “weya nxim tu’n tkub’ b’inchit nim u’j tqanil ¡Mya’ b’a’n tu’n kyjaw tx’emit tze! Ex kyaqil txkup jaw tze’n ti’j t-xim tal xtunitxa’n.
Me ajo Nejenel koj kub’ tq’uma’n: “jun tb’anil xim xtunitxa’n”
Ex iky oke kyu’n.
Kyaqilqe txkup i onin tu’n tb’ant nim u’j tqanil ja ntq’umanitaq: “Mya’ b’a’n tu’n kyjaw tx’emit tze” “aqe tze at kychwinqlal” ex “qa ma jaw ttx’emina tze il ti’j tu’n tku’x tawana txqantl tze”.
|texto5=Nim u’j tqanil ok kyq’o’n toj kyaqil Pintze.
Tej kykub’ tu’jin xjal kyaqil u’j tqanil toj kyaqil Pintze, ok tka’yin qa nim mya’ b’a’n otaq b’ant tu’n ti’j Xjan Tx’otx’.
B’e’x kub’ meje twitz Qtxu Tx’otx’ tu’n jun mya’ b’a’n otaq b’ant tu’n.
B’e’x meltz’aj tja ex toj juntl q’ij nim tal tze b’a’j ku’x tawan.
Kyaqilqe txkup te Pintze nim i jaw tzalaj tu’n otaq kamb’it kyu’n.
Ja’lo, aqe txkupnim nchi tzalaj tu’n nchi ka’yin ti’n Pintze, qu’n a kyja te kykyaqil.
|autor=Ajtz’ib’il :Yaneli María Ajpacajá Ajpacajá (edad: 11 años), EORM Paraje Chuicaxtun
|ISBN=978-9929-743-13-7
}}