Jun qb’i b’il tiqun ẍi’nan tk’u‘j makax

Nivel: 3

Ojtxa, chitzun qa otoq knet ixi’n tu’n jun makax ex tu’n wech. Q’i’n jun twitz ixi’n tu’n makax ex minti’toq ntzaj tqama’n ja’ tumel a tzaj ti’n aju twitz ixi’n; ntzajtzun te xjal xi’ tq’ama’n te makax: - ja’lo - chitzun, - ok b’el nk’alo’na toj tmija - chitzun, - qal mi’n tb’inchaya - chitzun te makax, ex minti’toq o tz’ex toj twi’ xjal ex o kub’tzun tk’alo’ntok ju tmij makax, ex tu’ntzun tlaj ẍi’nan te makax tmij. Ax ikyx o t-xi’ tq’ama’n xjal te squk’, txi’ya tuk’il wech ja’ tumel a ta’toq ixi’n chitzun, noktzun lak’paj te squk’ ti’j wech, ntzajtzun te wech minti’toq o tqiy tu’n tok lak’e’ ju squk’ ti’j ex ne’ltzun tzkyetin ti’j tu’n twi’ tqan, ex chitzun: skyet, skyet, skyet chitzun ju twi’ tqan, ex b’i’xtzun o tz’el pak’e’toq te squk’ ti’j wech toj tmij b’e, ex minti’tzun o tz’ok lak’e’ te squk’ ti’j tx’yan.

Código: N33M19

Legibilidad: