Le ch'o ruk' le koj

Nivel: 3

K'o jun q'ij, chi uxe' jun che', tajin kuxlan jun koj. Jela' apanoq k'o jun ch'o tajin kutij utukan. Are xuyuq rib' ri ch'o xril apanoq chi unaqaj k'o jun ab'aj, are xub'an utz rilik k'ate karilo chi man ab'aj taj ujolom jun koj ri k'o chi la'. Ri koj man utz ta kuna'o ktzurik are tajin kawarik. Xjininik are xk'astajik'. Are xril uwach ri jun ch'o, xpe rayiwal ri koj, xuk'aq rib' chirij ri ch'o, ri ch'o anim xelik rech man kchap ta rumal ri koj. Ri koj xuriq apanoq, k'ate k'u ri' xuyak chikaj ruk' ri jun uq'ab'. ¿Sa che xinak'asuj xcha chi rech? Ri ch'o xub'ij. Koj chb'ana jun toq'ob', chasacha numak, ri in nutukan tajin kintzukuj. Ri koj xub'ij ¿la utz kana'o we in ktink'asuj? Ri koj xuchapale'j tze'. Xkichomaj xe'b'e chi rech utzukuxik kiwa e keb', tajin ke'binik are ri koj man xril taj xqaj pa jun chapb'al awaj kiya'om kan ri winaq pa ri b'e. Ri ch'o xub'ij chi rech ri koj: ri in weta'am ri k'ax kub'an le jun chapb'al awaj. Ri in katinto'o, xuket ri chim k'ate k'u ri' xel ri koj pa ri chapb'al awaj. Ri Koj sib'ilaj xumaltyoxij chi rech ri ch'o.

Código: N34K59

Legibilidad: 4to. grado