Nan Leya kyuk'i tal tb'och

Nivel: 3

Jun maj toj kojb’il te Twitz Mo’, tnam te Chna’, jun nan xu’j Leya tb’i nkyajko tjunalx kyuk’a jwe’ tal at taq toj tja, tu’ntlaj ojtxataq kyim tchmil, ex nkub’ku jun q’u’ tal tb’och. Atzun kyja b’och miti’taq toj twi’ tjax, tetz tzan nim jb’al ex b’i’x t’aqet, atzun kynam tchonal jb’al ex qe tal b’och nchi witz’an tu’n che’w. Tejtzan tb’i nan Leya nlipan t-xi’ kolel kyi’j tal tb’och, tu’ntza mi’ chi kyim tb’och, qu’n nim kyajb’lane te nan Leya, tu’ntzan pwaq twi’ b’och klaq’etal txb’alen Leya ex kye tal. B’a’n ok t-xim Leya, tu’n kolet tal tb’och ex kanen juntl t-xim, tej kych’iy tal tb’och, b’i’x kub’ t-xima tu’n tb’ant jun tja tb’och tb’anilxix, ex tu’nx pwaq twi’ b’och etz laq’et tze ex ti’chaq tej tja tb’och, ex ok nim aq’untl ti’j kyja tal b’och. Noq tu’n b’och anq’ina Leya kyuk’a tal ex ten nim tpwaq. Qe tal Leya b’ant ky’k’ojlama ti’j tal b’och, qu’n at chwinqlab’il kyu’n a’yi alu’mj.

Código: N23M177

Legibilidad: