Qe kyaq sniky

Nivel: 3

Tat Lench jun aq’unal xjal toj kojb’il te Che’w Tx’otx’, toj kojb’il ja’ tumel najal tat Lench at nim q’eq sniky ex mib’an chi tx’a’nqe, pontzan jun xjaw xi’ tat Lench aq’unal toj malaj tx’otx’ ja’ tumel nim ta’w kyaq, awal kjo’n tuk’ix tat We’l jun aq’unal te onil ti’j aq’untl, xi’tzanqe awal kjo’n ex ok nojqe ti’j nim kyaq sniky at toj tx’otx’. Pontzan anb’il tu’n kywa’n te chilq’ij ex ikub’tzan qe wa’l, taj t-xi’ kyna’n ti’j ntziyet kytx’a’n kyaq sniky kyi’j, eltzan kynik’ ti’j nya’ junx ta qe q’eq sniky kyuk’ qe kyaq, tejtzan kyb’aj wa’n ex tzyet kyaq’na’n juntl maj, nimx tzaj ma tky’aj tat We’l toj aq’untl ex kub’tzan qe’. Njaw ilin te tajwil aq’untl ex xi’ tma’n tu’n mi t-xi’ twi’ tk’u’j tat We’l; minti’ xi’ tb’i’n aq’unal tyol tajwil aq’untl. Kub’tzan ten tat Lench ximal ti’j ti k’okal ti’j lu, ntzaj twatil tat We’l tzi’ aq’untl, in eltzan tajwil aq’untl jayolte qe kyaq sniky ex oktzan chitan ti’j tat We’l, eltzan twatil ex tky’aj kyu’n qe kyaq sniky.

Código: N14M47

Legibilidad: